Коррупцион бюро – «Европæйаг Гуырдзыстон», «Стратеги Агъмашенебели», «Националон змæлд», «Гирчи – фылдæр сæрибардзинад», «Дроа» æмæ «Ног иудзинад – Гварамиа, Мелиа» нæ æргом кæнынц сæ финанскæнынад
Антикоррупцион бюройы къухдариуæггæнæг Ражден Купрашивилийы ныхасмæ гæсгæ, бюройы æххæстгонд мониторингы фæстиуæгæн сбæлвырд ис, цæмæй оппозицион партитæ сæ финанскæнынад æххæстæй кæнæ хайгай нæ æргом кæнынц.
«Мониторингы фæстиуæгæн сбæрæг ис, цæмæй политикон партитæ, сæрмагондæй: «Европаг Гуырдзыстон – змæлд сæрибардзинадæн », «Националон змæлд», «Гирчи – фылдæр сæрибардзинад», « Тыхджын Гуырдзыстон» «Еленæ Хоштария – рæстæг æрцыд» æмæ «Ног иудзинад – Гварамиа, Мелиа» – нæ æргом кæнынц сæ финанскæнынад, æххæстæй кæнæ хайгай.
Уыцы иу рæстæг, сæ æвзарæн кампанитæ æмæ архайд гæнæн ис æмæ финансгонд цæуой фæсарæйнаг донорон организацитæй кæнæ æндæр æрмæгæй, кæцытæ та æхца фидынц ацы политикон партитимæ баст æнæхицауадон организацитæн.
Банысангонд схемæмæ гæсгæ, политикон партитæн æмæ процесстæн фæсарæйнаг æхцайæ фарсылхæцындзинад рæстадон æвзæрстыты процессæн тас у.
Фæсарæйнаг донорон организациты кæнæ æндæр æрмæгæй финансгонд æнæхицауадон организацитæ, политикон партиты минæвæрттимæ иумæ, æнæхъæн Гуырдзыстоны масштабæй æндæр æмæ æндæр хуызы мадзæлттæн разамынд дæттынц, цæттæ кæнынц информацион брошюрæтæ политикон мидисимæ, видеоклиптæ, кæцытæ комкоммæ сидынц æхсæнадмæ конкретон партийы фарсылхæцындзинадмæ.
Гуырдзыстоны закъондæттынадмæ гæсгæ, тобæгонд у политикон партитæн финанскæнын æнæ Гуырдзыстоны æмбæстагдзинадæй, афтæ дæр Гуырдзыстоны кæнæ фæсарæнты регистрацигонд юридикон уæнгæй.
Цæмæй политикон кампаниты финансон æргомдзинады стандарт ма фæкъаддæр уа æмæ афтæмæй æмбæстæгтæн æмбæлон равзæрсты фадат ма арæн кæна, уый тыххæй коррупцийы ныхмæ тохы бюро рахаста ахæм уынаффæ: 2024 азы 31 августмæ æппæт æвзарæн субъекттæ хъуамæ бавдисой документаци, кæцы æвдисы цæугæ азы 8 мæйы финансон уавæр.
Антикоррупцион бюройы æрдыгæй рабæрæггонд фæткхæлдтыты фæдыл информаци æппæтдунеон организацитæн хъусын кæнынц æмæ нæ ныфс ис, цæмæй æппæт уыцы факттæ æвдыст цæудзысты мониторингы хыгъдлæвæрдты.
Антикоррупцион бюро цæттæ у алы политикон партийæн дæр уынаффæ кæна æмæ сын баххуыс кæна закъоны домæнтæ æххæст кæнынæн» – райхъусын кодта Ражден Къупрашвили.
