Тбилисы горæтон тæрхондон тæрхон рахаста аст адæймагы хъуыдтагыл, кæцытæ бандæты тыхмидзинады аххосджын кæнынц.

Азымджынтæй Звиад Цецхладзе, Вепхия Къасрадзе æмæ Васил Кадзелашвилийæн 2 аз æмæ 6 мæйы ахæстоны фæбадыны тæрхон рахастой. Инсаф Алиев, Торнике Гошадзе, Николоз Джавахишвили, Ираклий Миминошвили æмæ Гиорги Горгадзе дыууæ азы ахæстоны фæбадын стæрхон кодтой.

Хъуыдтагы фæдыл тæрхонгæнæг Мчедлишвили Тамар расидтис. Мчедлишвили, Гуырдзыстоны уголовон кодексы 225-æм статьямæ гæсгæ, аххосджынты ныхмæ бавдыст аххосæгтæ 226-æм статьямæ раивта, кæцы æхсæнадон уагæвæрды халæг къордон акцийы организаци кæнынмæ хауы, кæнæ та дзы хайад исынмæ.

Уæ информацийæн Васил Кадзелашвили, Вепхия Къасрадзе æмæ Звиад Цецхладзе аххосджынгонд æрцыдысты уголовон кодексы 225-æм статьяйы фыццаг хаймæ гæсгæ, кæцы къордон акцийы организаци æмæ къухдариуæг кæнынмæ хауы. Фыдракæнды тыххæй æфхæрд цæуы ахæстоны фæбадынæй 6 азæй 9 азы онг.

Инсаф Алиевы, Торнике Гошадзейы, Николоз Джавахишвилийы, Ираклий Миминошвилийы æмæ Гиоргий Горгадзейы аххосджын кæнынц уголовон кодексы 225-æм статийы 2-æм хаймæ гæсгæ фыдракæнды саразыны, кæцы къордон тыхмидзинады хайадистмæ хауы. Фыдракæнды тыххæй æфхæрд цæуы ахæстоны фæбадынæй 4 азæй 6 азы онг.