Польшæйы цæугæ   Европаг хъæзтыты   фæстаг  бон  Гуырдзыстоны  делегаци ноджы иу  сыгъзæрин  майдан райста – кикбоксингы  Лука Шониа  (75 кг)  финалон  ерысы   украинаг  Тимур Рюсковæн  рамбылдта  æмæ  турниры уæлахиздзау ссис.

Афтæмæй   европаг хъæзтытæ гуырдзиаг  делегаци   фараст майданимæ  фæцис.  Гуырдзиаг спортсментæ  цыппар  майданы   рамбылдтой,  чемпионтæ сты  Сандро Базадзе (фехтовани), Зураб Къинцъурашвили (тхэквондо)  дзюдойы æмбырдгонд æмæ Лука Шониа (кикбоксинг).

Æвзист майдантæ  рамбылдтой  Заза Надирадзе  (бæлæгътæрын) æмæ  Лаша Гурули (бокс),  бронзæ майдантæ та  Элене Лоладзе (тайландаг бокс), Гогита Арканиа  (каратэ) æмæ  Зураб   Иваниадзе (кикбоксинг).