Уыдон аразынц барьертæ бæстæйæн, уыдон æй æвæрынц моралон дилеммæйы раз, уый у армæхсын æмæ шантаж, æз æрцыдтæн Гуырдзыстонмæ уый зæгъынмæ – загъта Хорватийы республикæйы президент Зоран Миланович Гуырдзыстоны президент Михаил Хъавелашвилимæ уагъд брифингыл.

Йæ ныхасмæ гæсгæ, Евроцæдисимæ зындзинæдтæ кæмæ ис, ахæм бæстæйыл æндæвдады идея æнæрайсгæ у.

«Æз федтон министрты Евроцæдисы æндæр уæнг бæстæтæй, кæцытæ æрцыдысты Гуырдзыстонмæ митингты хайад райсынмæ æмæ баиу сты оппозицимæ. Æз ахъуыды кодтон, куыд æнкъардтаин, кæд æмæ ацы политиктæ æрцæуиккой мæ бæстæмæ, мæ сæйраг сахармæ, централон фæзуатмæ. Евроцæдис мæнæн æнæрайсгæ у.

Алы параметры æрдгæй, Гуырдзыстон æнтыстджынæй рæзы, бæрзонд рæзты темп ын ис. Æз дæр демæ разы дæн, цæмæй рæзты темп у иууыл ахсджиагдæр бæрæггæнæн, уый æвдисы экономикон тыгъдады, базарады, коммерцийы рæзт. Ацы æрдгæй Гуырдзыстон æнтыстджын у æмæ йæм ис бæрзонд рæзты темп. Ай у æртыккаг дунейы бæстæ, экономикон æрдгæй йын уыд зындзинæдтæ, барьертæ, фæлæ экономикæйыл ныхас куы цæуы, уæд бæстæ æнтыстджын у æмæ йын хъуамæ æххуыс кæнæм, æнæфæдзæхстæй нæ. Ацы бæстæйы æнæфæдзæхстæй ницы ис. Мах хъуамæ æххуыс кæнæм ацы фактæн. Бæстæйæн ис барьертæ, аразынц ын моралон дилеммæ, аххосджын æй кæнынц Мæскуыйы агентæй. Уый у моралон шантаж.  Æз æрцыдтæн Гуырдзыстонмæ уый зæгъынмæ” – расидтис Зоран Миланович.