Гуырдзыстоны хицауады æскъуыддзагæй, украинаг æмбæстæгтæ, кæцытæ Украинæйы территорийыл хæстон архайдтыты фæстиуæгæн Гуырдзыстонмæ бацыдысты æмæ Гуырдзыстоны æнæрлæугæйæ уæвынц, медицинон лæггæдтæ 2026 азы фыццаг апрелы онг райсдзысты.

Æмбæлон хицауадон уынаффæ Гуырдзыстоны премьер-министр Ираклий Къобахидзе бафысдзæн.

Гуырдзыстоны æнæрлæугæ уæвыныл нымад æрцæудзысты ахæм цаутæ дæр, кæцыты адæймаг ахызт Гуырдзыстоны паддзахадон арæныл æмæ æрыздæхт æртæ бонæй фылдæр нæ.

Гуырдзыстоны оккупацигонд территоритæй мидæггагон æрцæуæггæгты, фæллойы, æнæнизхъахъхъæды æмæ социалон хъахъæды министрад æмбæлон медицинон лæггæдты лæвæрд сифтонг кæндзæн.

Украинæйы æмбæстæгтæн лæвæрд цæуынц ахæм æнæниздзинад хъахъхъæныны лæггæдтæ, æмбæлон азы паддзахадон æнæниздзинад хъахъхъæныны программæты фæлгæтты: иммунизаци, туберкулез æмæ ВИЧ-инфекцийы хоскæнынад, СПИД, уыимæ сæрмагонд хостæй сифтонг кæнын; мад æмæ сывæллоны æнæниздзинад, уыимæ ныййарæджы размæ æххуыс æмæ ноггуырдты скрининг; психикон æнæниздзинад; сæкæрнизæй дзæбæх кæнын, уыимæ хостæ дæттын; диализ; Арæх чи нæ вæййы, ахæм низтæй рынчынтæн æмæ æдзухдæр ивæн хоскæнынад кæмæн ис, уыдонæн хос кæнын; Рефералон лæггæдтæ – тагъд медицинон æххуысы лæггæдтæ, уыцы нымæцы ныййарæг, тагъд иммунизаци.

Информаци Гуырдзыстоны хицауады администраци парахат кæны.