Хицауады администрацийы цур Михеил Саакашвилийы фæсарæнтæм хоскæнынмæ арвитыны æркуырдæй цæуы акци
Михеил Саакашвилийы фæсарæнтæм хоскæнынмæ арвитыны æркуырдæй хицауады администрацийы цур акци цæуы. Акцигæнджытæ куыд хъусын кæнынц афтæмæй, ахæм типы акци ацæудзæн батумы æмæ Дунейы 20 бæстæйы. Бæрæг куыд у афтæмæй, акциты иуæй-иу организацигæнæг у Алекси Арестович.
«Националон Змæлды» уæнгты дзырдæй, акцитæ адарддæр уыдзысты, фæлæ цы формæйæ, уый фæстæдæр аскуыддзаг уыдзæн. Ника Мелиайы дзырдæй, ныр сæйраг у саст хидтæ сног кæнын æмæ алчи баиу уæд иу æркуырдæй.
«Мæнæн ныр нысаниуæгджын у саст хидтæ сног кæнын максималонæй тагъд, кæцы æнцон процесс нæу. Мæ хъуыдымæ гæсгæ, ныр дзыллæ тынг иппæрд у, уый нымæцы оппозицион партиты æвзæрстгæнджытæ. Уый, цæмæй ахæм типы акцитæм гæнæн ис кæцыфæнды æндæр политикон партийы лидер рацæуа, цæй зæгъын æй хъæуы, тынг æхсызгон у, фæлæ ахсджиаг у, цæмæй æндæр оппозицион партиты æвзæрстгæнджытæ дæр æмуд уой», – райхъусын кодта Ника Мелиа.