Хелсинкийы комис, АИШ-ы бæрнонады палатайы æвдыст MEGOBARI акты фæдыл информаци парахат кæны.

Комисы веб-фарсыл ис фыст, цæмæй дыууæпартион MEGOBARI  акт бæрнонады палатайы АИШ-ы Хелсинкийы комисы сæрдар, республикаг конгрессмен Джо Уилсон, афтæ дæр конгрессмен Стив Коен, Ричард Хадсон æмæ Марк Вейзи бавдыстой.

Хелсинкы комисы фидиуæнмæ гæсгæ, законпроекты нысан у Гуырдзыстоны демократион практикайы, адæймагы барты, законы уæллагдзинады фæтыхджын æмæ бæлвырд кæны АИШ-ы хæслæвæрд йæ фарсыл рахæца Гуырдзыстоны евроатлантикон интеграци æмæ  ныхмæлæуд авторитарон режимты, уæлдайдæр та уырысаг аудындзинадæн.

MEGOBARI акты -сæйраг хайтæ:

Демократи æмæ законы уæллагдзинады фарсылхæцындзинад -акт сиды АИШ-ы политика Гуырдзыстоны демократион аргъдзинæдты, адæймагы барты æмæ законы уæллагдзинады бахъахъæдæн. Нысан кæны Гуырдзыстоны æхсæнады нысаниуæгджын прогресс æмæ демокартийы фæтыхджыны нысаниуæгдзинад регионалон стабилондзинад æмæ АИШ-ы интерестæн.

Демократийы фæстæмæ цыдыл реакци – Гуырдзыстоны фæстаг рæстæджы уæвæг уаавæрыл дзуаппæн, акт йæ зæрдыл дары расидæнтæ Гуырдзыстоны хицауады архайдтытыл æмæ Уæрæсеимæ æмæ æндæр автаритарон режимтимæ бастдзинады бацахуырмæ.

Хаццæгы бавдыст æмæ санкцитæ -акт домы цалдæр бакаст, се æхсæн Гуырдзыстоны уæвæг коррупцион  практикаийы фæдыл, кæцытæ йæ фарсыл хæцынц уырыссаг интерестæн æмæ санкциты не сыххæст. Гуырдзыстоны уырыссаг разведкайы архайд æмæ Китаимæ потенциалон æмкуыстдзинады аргълæвæрд, рабæрæг æмæ санкциты æмæ балцы арæнвæрдты снысан уыцы уæнгтæн, кæцытæ демокарти бабын кæныны бахъавд æххæст кæнынц Гуырдзыстоны.

Демократийы мониторингы куыстон къорды сарæзт -акт йæ зæрдыл дары Гуырдзыстоны демократион тыгъдады мониторинг, уæлдай дæр та æвзæрстыты рæстæджы сæрибар æвзарæнон процессы сарæзтæн.

Дыууæфарсон æмахастытæ æмæ фарсылхæцындзинады фæтыхджын -Гуырдзыстоны нысаниуæгджын демократион прогрессы сбæлвырды фæстæ. Акт йæ зæрдыл дары АИШ-ы æххуыс: Гуырдзыстонимæ къухбахæссинаг базарадон бадзырдтæ; ивгæ програмæты ауæрæх æмæ визон режимы фенцой; экономикон æмæ модернизацийы пакеты бакуыст; æдасдзинад æмæ  хихъахъæнады сфераты фарсылхæцындзинад Уæрæсейы агрессийы ныхмæ.

MEGOBARI акты æмспонсортæ афтæ дæр сты конгрессментæ: Роберт Адерхолт, Эмануел Кливер, Джи Коста æмæ Шейла Джексон Ли. Снысангонд законпроектæн йæ фарсыл рахæцыдысты организацитæ: Freedom House-, Razom for Ukraine, АИШ-ы Гуырдзыстоны ассоциаци, Централон æмæ Скæсæн Европайы коалици. Цæгат Кавказы нациты  комитет, Syria-Ukraine Network, Syrian Emergency Taskforce.