Паддзахадон департамент хъуамæ райдайа хъусын кæнын индивидуалон санкцитæ Тбилисы мэр, мидхъуыддæгты министр æмæ æндæр бæрнонты ныхмæ, кæцытæ дзуапп дæттынц репресситы оркестрæн, – уый фæдыл АИШ-ы Хельсинкийы къамисы сæрдар Джо Уилсон райхъусын кодта.

Джо Уилсон куыд фыссы, афтæмæй «Гуырдзыстоны дэ-факто хицауад бынтондæр фесæфта демократийы æппæт æвдисæнтæ, æнæаххос активистты æмæ сабырадон оппозицийы уæнгты ахсын райдыдта сæ хæдзæртты æмæ куысты бынæтты».

«Дызæрдыггаг нæу, цæмæй «Гуырдзиаг бæллицц» Кремлы хуызæн диктаторон тактикæйæ пайда кæны. АИШ-ы хицауад хъуамæ дзуапп ратта, цæмæй æфхæра æнæаххос гуырдзиæгты ныхмæ тыхми æмæ фыдмитæ чи кæны, уыдоны. Ныртæккæ куы нæ архайæм, уæд «Гуырдзиаг бæллиц» адарддæр кæндзæн йæ тыхмийы кампани ахæм æмвæзадмæ, кæцы ацы бæстæйы дæсгай азты дæргъы нæ уыд. Паддзахадон департамент хъуамæ райдайа индивидуалон санкцитæ уадзын Тбилисы мэры, мидхъуыдтæгты министры æмæ æндæр бæрнон кусджыты ныхмæ, кæцытæ дзуапп дæттынц репрессийы оркестрæн. Сидын нæ европæйаг æмцæдисонтæм дæр афтæ бакæной», – ис фыст фидиуæны.