Цалдæр  æнæхицауадон организацийы  минæвæрттæ   Каспы муниципалитеты хъæу Квемо Чъалайы, солидарондзинады акци ауагъдтой æмæ оккупацион  режиммæ ахсты уæвæг  Заза Гахеладзейы ссæрибар кæнын æркуырдтой.

«Сæрибардзинад Заза Гахеладзейæн, Уæрæсе оккупант у» –  ацы  лозунгæй   акцийы  хайадисджытæ  символонæй  хъæуы  бацæуæны æрымбырд сты.

Акцийы  хайадисджыты  дзырдæй,   зæгъгæ уыдон хицауадмæ сидынц  фылдæр ахъазджын къахдзæфтæ  саразын, цæмæй Заза Гахеладзе  афоныл  æмæ  æнæзианæй  æрыздæха йæ бинонтæм.

«Æрбацыдыстæм  символонæй   хъæу Квемо Чъаламæ, Заза Гахеладзе  кæм цæры  уырдæм.  Æвдисæн сын солидарондзинад йæ бинонтæм.  Фæнды нæ  ноджы иу  хатт хъæрæй  зæгъын, цæмæй  Уæрæсе  у  оккупант  æмæ сидт æрвитæм хицауадмæ, афоныл  фехъусын кæнæт æмбæлон  структурæтæм, цæмæй  Заза Гахеладзе  æнæзианæй æрыздæха  йæ бинонтæм.  Уæрæсе у  оккупант  æмæ растдæр Уæрæсе  æххæст кæны ацы æнæзаконон скъæфтытæ  æмæ  аразы  ацы æмбондтæ» – хъусын кæны  æнæхицауадон организаци «Ног Фæлтæры»  минæвар Давит Донериани.

Бынатыл уыдысты ацы  æнæхицауадон организациты минæвæрттæ: «Мониторингы центр –Æхсæнад», «Ног Тых Гуырдзыстонæн», «Америкæйы  фарсхæцджыты лигæ», «Фæсивæд  европаг фидæнæн», «Ног Фæлтæр».

Оккупацигонд Цхинвалы а.х.  тæрхондон, Заза Гахеладзейæн, 12  аз æмæ æхсæз мæййæ  æнæзакъонон  ахст стæрхон кодта.