Хæлцады националон агентады Тбилисы департаменты инспектортæ æмæ ветеринарон контролы хайады специалисттæ сæйраг сахары уагъд паддзахадон контролы фæстиуæгæн ветеринарон клиникæты критикон æнæххæстдзинæдтæ рабæрæг кодтой.

Хæлцады националон агентады информацийæ, 20 басгæрст объектæй, фæткхæлдтытæ рабæрæг кодтой аст ветеринарон клиникæйы: ÆÆ «Ахали ветеринарон клиникæ», индивидуалон амалиуæггæнæг Д. С., ÆÆ Ветеринарон клиникæ «Вет.Арт», ÆÆ «ДТНБ», ÆÆ «Заравет», ÆÆ «Ветцентр Зооплаза», индивидуалон амалиуæггæнæг Т. Дз. (Бионика), ÆÆ «Ветеринарон рынчындон».

«Инструментты æнæмбæлон стерилизацийы тыххæй æрлæууыдысты дыууæ клиникæйы, афтæ дæр фиксиргонд æрцыдысты вакцинæты æвæрыны уагæвæрдты хæлд, æнæрегистрацигонд, æмгъуыд кæмæн фæцис æмæ æнæмбæлон препараттæй пайда кæнын, æмæ экономикон архайды реестры æнæрегистрацигонд архайдтытæ, кæцыты тыххæй бизнес-операторты ивар кодтой.

Хæлцады националон агентад æнæрлæугæйæ æххæст кæны паддзахадон контроль клиникæты, ветеринарон афтектæ æмæ зоомагазинты. Ацы аз фæнд кæнынц ветеринарон цæстдарды бын цы объекттæ ис, уыдон 1500 онг сбæрæг кæнын.

Уагдон сиды фæлхасгæнджытæм, цæмæй исты фæткхæлдтыты рæстæджы бадзурой алфæмблайы хъахъхъæнынады æмæ хъæууон хæдзарады министрады тæвд хаххмæ – 1501. Æнæ дзуаппæй иу хъусынгæнинаг дæр нæ баззайдзæн» -ис фыст информацийы.