Хæлцады æргъты фæдыл хицауады координацион къамис арæзт æрцыд, кæцыйæн премьер-министр Ираклий Къобахидзе къухдариуæг кæндзæн. Уый фæдыл информаци хицауады администраци рапарахат кодта.

Сæ ныхасмæ гæсгæ, хицауад знон рабадтыл æмбæлон уынаффæ сбæлвырд кодта.

Хицауады администрацийы сæргълæууæг Леван Жоржолиани куыд расидтис афтæмæй, къамисы сконды уыдзысты профилон фадыджы министртæ, хицауады администраци æмæ конкуренцийы агентад.

“Премьер дæргъвæтин рæстæг фæныхас кодта хæлцадон æргъты рæзты фæдыл æмæ банысан кодта, цæмæй ацы фарст хъæуы ноджы арфдæр иртасын, уымæн æмæ æргъты рæзт арæх нæ вæййы исты логикæйы бын æмæ, уымæ гæсгæ, уый фæбæрæг вæййы фæлхасгæнæгыл. Хицауады къамис арæзт æрцыд ацы процессы хуыздæр координацийы тыххæй”, – загъта Леван Жоржолиани.