Молдовæйы  æмгъуыдагъоммæ  парламентон æвзæрстыты  хъæлæсты  99 проценты  бахыгъды фæстæ,   президент Майя Сандуйы  «Архайыны  æмæ Солидарондзинады» партийæн  хъæлæсты  52.4 процент ис.

Молдовæйы ЦÆК-ы  информацийæ,   дыккаг бынатыл ис  «Коммунистты æмæ Социалистты æвзарæнон блок»  27.3  процентæй, æртыккаг бынат та  ахсы   парти «Шори»  5.7 процентæй.

Æмгъуыдагъоммæ парламентон æвзæрстыты,  æвзæрстгæнджыты активондзинад уыд  44.5 проценты бæрц. Æвзæрстыты  хайад истой  23  конкуренты – 20 парти, дыууæ взарæнон блок æмæ  иу  хæдбар   кандидат.  Æвзарæнон  партийæн  барьер уыд  5%, блокæн та – 7%.

Уæвæг  бæрæггæнæнтæй, Молдовæйы парламентмæ æрмæст  æртæ  æвзарæнон  субъект бахауд.  Ивгъуыд азы  кæрон  президентон  æвзæрстыты  уæлахиздзинады фæстæ, Санду  закондæттæг  орган  суæгъд кодта, кæцыйы мидæг  йæ  партийæн уыд æрмæст 15 бынаты.

«Архайыны æмæ Солидарондзинады» парти  йæ  программæты  сæйраг приорритетæй  схуыдта  Евроцæдисмæ интеграци.  Афтæма сæйраг фарста у  стратегион партнерад АИШ-имæ æмæ Румыниимæ.  Программон приоритетты æхсæн бавдыст у Украина æмæ Гуырдзыстонимæ «Хурыскæсæн Партнерады» фæлгæтты  иуæймаг регионон  проектты  сыххæст.