«Националон змæлды» политикон советы сæрдар, Леван Хабеишвилийæн профилактикон мадзалæй ахæстоны фæбадын стæрхон кодтой.

Уый фæдыл уынаффæ цъус размæ Тбилисы горæтон тæрхондоны тæрхонгæнæг райста.

Раздæр хъахъæнджытæ тæрхонгæнæг Пикрия Сиктурашвилийы дисквалификаци æркуырдтой. Адвокаты ныхасмæ гæсгæ, уæлдæр снысангонд тæрхонгæнæг Хабеишвилийы ахсты фæдыл тæрхон рахаста æмæ йæ позици ныридæгæн расидтис. Прокуратурæ нæ сразы тæрхонгæнæджы дисквалификацийы хъæппæрисимæ. Тæрхонгæнæг дæр нæ сæххæст кодта хъахъхъæнæджы хъæппæрис.

Уыимæ иумæ тæрхондоны æддейæ Леван Хабеишвилийы фарсхæцджытæ æмæ «Националон змæлды» минæвæрттæ æрымбырд сты.

Леван Хабеишвилийы паддзахадон æдасдзинады куыст 11-æм сентябры æрцахста бæрнон кусджытæн взяткæтæ æргомæй зæрдæ бавæрыны аххосагæй. Абон Гуырдзыстоны прокуратурæйы арæзт брифингыл расидтысты, цæмæй Хабеишвилийы аххосджын кæнынц æндæр статьяйæ, кæцы паддзахадон хицауады фехалыны сидтмæ хауы.