Украинайы æфсæддон  рагысгарæг куысты  зылынгæнæнты тыххæй Гуырдзыстоны хицауадæй  фехъуыстам  тынг дырыс дзуапп, цæмæй  ахæм хъуыддаг нæ цæуы, нæдæр практикæйы æмæ нææр  рискы  цæстæнгасæй – уый фæдыл журналисттæн  Гуырдзыстоны Евроцæдисы минæвар  Карл Харцелл  фехъусын кодта.

Харцелл комментари сарызта  Украинайы  хъахъхъæнынады  министрады  рагысгарæг куысты уыцы  фидиуæныл, кæцымæ гæсгæ дæр «Æхсæнадæмон санкцитæ сфидар кæныны тыххæй, Уæрæсейы Федераци фæхъуаг ис  æфсæддон,  дывæр нысаниуæгы æмæ  æмбæстагон  базайраджы  ифтонгады  фадатæй.  Санкциты иувæрсты  ацуыны  нысанæй,  уырыссаг агенттæ  фидар кæнынц   контрабандæйы  каналтæ, кæцы  сты Гуырдзыстоны  территорийы уылты.  Уыимæ гуырдзиаг спец-куыстыты минæвæрттæм  уыд барамынд  политикон къухдариуæгадæй,  цæмæй  сæ цæст бацъынд коддаиккой контрабандистты  куыстыл».

«Украинайы æфсæддон  рагысгарæг куысты тынг  серьозон  зылынгæнæнты тыххæй куы зæгъæм, уæд уый у  тынг серьозон  йæ аппæй  æмæ йæм  серьозон азхаст хъуамæ дарæм. Уыимæ иумæ  байхъуыстам  дырыс дзуаппмæ Гуырдзыстоны  хицауады æрдгæй, цææмй  ахæм цыдæр нæ цæуы, нæдæр практикæ æмæ нæдæр рискы  цæстæнгасæй.  Сæрмагондæй  мæ  хъуыдыйы  тыххæй куы  зæгъон уæд мæмæ ацы этапыл  ницы  информаци кæнæ   рагысгарæгон æрмæджытæ ис, кæцытæ сбæлвырд кодтаит  украинаг  фарсы зылынгæнæнтæ. Сæйраг у, дыууæдæр фарс адарддæр кæной  информаци баивд, цæмæй   афоныл аскуыддзаг кæной  ацы  уавæр», –   райхъусын кодта Карл Харцелл.