Сæйраг сахары мэр Каха Къаладзе хъуыды кæны, цæмæй америкаг сенатортæ Джим Риш æмæ Джин Шахин, кæцытæ Гуырдзыстоны фæдыл иумæйаг фидиуæнæй АИШ-ы президенты администрацимæ басидтысты, «Глобалон хæсты партийы» æндæвдады бын сты.

Каха Къаладзе журналистты фарстытæн дзуаппæн куыд расидтис афтæмæй, Гуырдзыстоны хицауады фидиуæн у, цæмæй цæттæ у АИШ-имæ ахастытæ сног кæна.

«Ацы адæймæгтæ дæр сты «Глобалон хæстон партийы» æндæвдады бын.Мах бирæ хатт расидтæм æмæ ноджы иу хатт сфæлхатт кæндзынæн, цæмæй æххуыс кæнæм президент Трампæн «Арф паддзахады» фæуæлахиз кæнынæн.Фендзыстæм, цас йæ бон уыдзæн æмæ йын бантысдзæн.Уыимæ иумæ цæттæ стæм ахастытæ ног фарсæй райдайынмæ.

Уый у нæ фидиуæн, нæ ахаст æмæ нæ фæндон сног кæнæм ахастытæ, цæмæй нæм уа хæлардзинад, партнерад æмæ кæй зæгъын æй хъæуы, уый хъуамæ уа дыууæфарсон æмæ иуфарсон нæу» – банысан кодта Каха Къаладзе.

АИШ-ы сенатортæ Сенаты æттаг ахастыты комитеты сæрдар Джим Риш æмæ рангы уæнг Джин Шахин дзуапп раттой Гуырдзыстоны уæвæг политикон уавæрæн æмæ цыппæрæм октябры бынæттон æвзæрстыты фæстæ цаутæн.