Тбилисы мэр Каха Къаладзе Тато Григалашвилийæн Парижы Олимпиадæйы æвзист майдан райсыны фæдыл арфæ кæны.

Абон Тбилисы мэр сæйраг сахары хицауады фембæлдыл гуырдзиаг спортсмены æнтыстдзинады фæдыл фæныхас кодта æмæ Олимпиадæйы æппæт хайадисджытæн æнтыстытæ ракуырдта.

«Знон, Олимпиадæйы рамбылдтам фыццаг майдан, æвзист. Фæнды мæ ацы æнтыстæн раарфæ кæнон Татой Григалашвилийæн. Кæй зæгъын æй хъæуы, мах иууылдæр цин кодтам æмæ нæ фæндыд, цæмæй Гуырдзыстонмæ æрыздæха сызгъæрин майданимæ, фæлæ уый у спорт, æрцæуы. Æппæт уыдæттæм æнæкæсгæйæ, мах рамбылдтам æвзист майдан. Арфæ кæнын Татойæн, арфæ кæнын æппæт Гуырдзыстонæн ацы æнтыстæй. Кæй зæгъын æй хъæуы, мах æххуыс кæнæм æппæт иннæ спортсментæн дæр. Абон федтам нæ параспортсменты. Фæнды нæ, цæмæй сын Олимпиадæйы æнтыстытæ раарфæ кæнæм» – расидтис Каха Къаладзе.

Парижы 2024 азы Олимпион хъæзтыты, дзюдойы турниры цыппæрæм ерысхъом бон, гуырдзиаг делегаци рамбылдта фыццаг майдан – æртæ хатты дунейы чемпион, 24-аздзыд Тато Григалашвили æвзист призер ссис.