Гуырдзыстоны бынæттон æвзæрстыты фæдыл Евроцæдисы уæлдæр минæвар, Еврокамисы вице-президент Кайя Калас æмæ рауæрæхдæр кæныны фæдыл комиссар Марта Кос иумæйаг фидиуæн парахат кæнынц.

Фидиуæны банысангонд у, цæмæй Гуырдзыстоны бынæттон æвзæрстытæ «уагъд æрцыдысты æндæр хъуыдыйы парахат репресситы уавæры».

«Мæйты дæргъы хæдбар медиамæ бырстытæ, æмбæстагон æхсæнадмæ нысангонд закъæтты райст, ныхмæлæуджыты æмæ активистты ахæстоны баконд æмæ æвзарæнон кодексы ивæндзинæдтæ хицаугæнæг партийы пайдайæн карзæй фæкъаддæр кодтой конкурентон æвзæрстыты ауадзыны гæнæнтæ.Оппозицийы стыр хай ацы æвзæрстыты бойкот сарæзта, æмæ æвзарæгты хайадист æмхуызонæй ныллæг уыд.

Уымæй дарддæр ма, Гуырдзыстоны хицауад æхсæнадæмон цæстдарджыты, сæрмагондæй ОБСЕ/ОДИПР-ы рæстæгыл кæй нæ фæхуыдта, уый фæцудыдта æвзарæнон процессы æргомдзинад æмæ къуылымпы кодта æууæнкджын æмæ мидисджын дунеон цæстдард. Бынæттон организацитæ дæр сæхи баурæдтой цæстдардæй репрессивон уавæры тыххæй.

Бирæнымæц адæм æнæрлæугæйæ протест кодтой хицаугæнæг парти «Гуырдзиаг бæллиццы» репрессивон политикæйы ныхмæ. Сидæм, цæмæй ссæрибар кæной алкæй дæр, кæцытæ æнæрастæй ахст æрцыдысты.

Мах сидæм сабырдзинад æмæ æнæфæцудгæдзинадмæ æвзæрстыты фæстæ периоды æмæ сидæм хицауадмæ, цæмæй бахъахъхъæной æмбæстæгты æмбырд æмæ ныхасы сæрибардзинад. Æнæмæнгхъæугæ у конструктивон æмæ инклюзивон диалог алы политикон архайджытимæ æмæ æмбæстагон æхсæнады минæвæрттимæ æмæ сидæм алы фарсытæм, цæмæй сæхи бауромой тыхмидзинадæй.

Фæстагмæ, Евроцæдис карзæй нæ нымайы æмæ тæрхон кæны Евроцæдисы ролы фæдыл дезинформаци Гуырдзыстоны æмæ афтæ дæр тæрхон кæны Евроцæдисы минæвары ныхмæ сæрмагонд бабырстытæн», -ис фыст Гуырдзыстоны Евроцæдисы делегацийы парахатгонд иумæйаг фидиуæны.