Абонæй  Гуырдзыстоны  скуыста  кредитон-гарантион  механизм.  Паддзахадон программæйæ   кредтон-гарантион  схемæйы  нысан у  финансытæ  рæувадат  дæр скæнын  уыцы  лыстæг æмæ астæуккаг бизнесментæн,   кæцытæм нæй  фадат,  хæс ифтонг кæнынæн хъæугæ  домæнтæ сæххæст кæнын (æххæстæй  кæнæ хайгай), афтæдæр экономикæйы   кредитлæвæрд  баахъаз  æмæ  инклюзивон  экономикон рæзт срæвдз кæнын.

Критеритæ, кæцытæм æмбæлондзинады цауы бенефициар  кредитон   гарантион   механизмæй  спайда кæндзæн,   хицауад сбæлвырд кодта.

Документмæ гæсгæ,  амалиуæгдар субъект, кæцы исы  хæс  коммерцион банкъæй  ацы  программæйы фæлгæтты,   хæс райсты  моментмæ  ахæм доментæн  хъуамæ  уа æмбæлон: фæстаг æртæ мæйы  дæргъы,  бенефициары  астæуккаг  зилдух   20 милуан ларийæ фылдæр ма хъуамæ уа, уыйимæ   бенефициары  кредиттæ  ма хъуамæ  уа  8 милуан  ларийæ фылдæр.

Коммерцион банкъæй   программæйы фæлгæтты   бенефициарæн лæвæрд кредиты минималон бæрц, 50 000 ларийæ, максималон та  – 2 000 000  ларийæ  фæбæрæг ис.

Хицауады  уагæвæрдмæ гæсгæ программæйы  фæлгæтты   бенефициармæ ис бар, спайда кæна  цалдæр кредитæй, кæд æмæ  кредитты  æмтæгæйон  бæрц  нæ  2 000 0000-æй  фылдæр.

«Афтæма,  цалдæр уæнгæй  æфстау исджыты  æрдгæй кредит райсты цауы, сæ хæсты  æмтгæйон  бæрц  (хицæнæй   æмæ  иумæйагæй)  ма  хъуамæ  уа   2 000 000 ларийæ  фылдæр»,- дзырдæуы документы.

Программæйы фæлгæтты  хæсты алæвæрд  æрмæстдæр националон валютæйæ  цæудзæн.

Кредитон гаранти та,   æфстау алæвæрдæй 10  азы  æмгъуыдæй  кусдзæн.

Кредитон-гарантион   фондæн  2019-2023  азты  æрвылазонæй, бюджетæй  20 милуан лари рауæлдай  уыдзæн.

Уагæвæрдмæ  гæсгæ,  механизмæй  пайда кæнын сæ бон нæ бауыдзæн  уыцы амалиуæгдар субъекттæн,  кæцытæ  ацы схемæйы  фæлгæтты иу хатт  уæддæр  бавзæрстой  дефолт кæнæ  састой  ацы  уагæвæрдæй  бæрæг аууæлттæ; кæцытæ  паддзахадон программæйы – «Аразы Гуырдзыстоны»  – домæнтæ  хæлдтой;  кредит алæвæрды моментмæ, паддзахады æрдæм  æмгъуыивгъуыд   фидтонон хæстæ ис. Программæйы фæлгæтты  кредит райсыны  бар  нæдæр  хæсджынты  реестры регистрацигонд  субъекттæм ис.

Афтæма  кредитон гаранти лæвæрд не рцæудзæн  уыцы  хæстæм гæсгæ,   кæцытæй  æфстаударджытæ  сты  кондадтæ, кæцыты  хайы,  æхсæнадон  барады  юридикъон уæнг  комкоммæ кæнæ æнæ комкоммæ  у  10 процентæй   фылдæр бардарæг,  акцийы  кæнæ   кредиты  алæвæрды моментмæ хайад исы кондадты  хицауиуæгы процессы.