Элина Валтонены Гуырдзыстонмæ визиты хатдзæгы фæдыл ОБСЕ пресс-релиз рапарахат кодта. Пресс-релизы банысангонд у, цæмæй Валтонен æттаг хъуыдтæгты министр, Мака Бочоришвилиимæ фембæлд æмæ Тбилисы æмбæстагон æхсæнады æмæ хæдбар аналитикон центрты минæвæрттимæ ныхас кодта.

Пресс-релизы куыд фыст ис, афтæмæй бæрзонд æмвæзады фембæлдтыты рæстæджы, сæрдар йæ ныхасгæнджытæн ныфс бавæрдта ОБСЕ-йы æнæфæцудгæ æххуысæй Женевæйы æхсæнадæмон бадзырдтæн æмæ Инцидентты превенцийы æмæ реагирдзинады механизмæн. Пресс-релизы куыд банысангонд у, афтæмæй министр Валтонен Гуырдзыстоны 2008 азы хæсты æнæфæцудгæ фæстиуджытæн æвдисæн уыд административон арæны хаххмæ Евроцæдисы цæстдарæг миссиимæ иумæ визиты рæстæджы.

«Æппæтдунеон æмæхсæнады æнæрлæугæ хъусдард конфликты контекстмæ æнæмæнгхъæугæ у дихгæнæг хаххыл цæрæг адæмы проблемæтæ аиуварс кæнынæн.Аргъ кæнын мæ Хуссар Кавказы сæрмагонд минæвары, минæвар Кристоф Спеты активон архайдæн ацы æрдгæй», — загъта Валтонен.

Пресс-релизмæ гæсгæ, Элина Валтонен расидтис ОБСЕ-йы хайадисæг бæстæты æмæ ЕÆÆО-йы институтты тыхстдзинад Гуырдзыстоны демокративон хицауиуæгады æмæ арæнæвæрæг закъондæттынады фæдыл, кæцы æмбæстагон æхсæнадæн, медийы профессионалтæн æмæ журналисттæн бынат арæн кæны.

Æнæхицауадон организацитæ, адæймаджы барты хъахъхъæнджытæ, журналисттæ æмæ æндæр æмбæстагон æхсæнады архайджытæ сты æнæмæнгхъæугæ демокративон æнæфæцудгæдзинадæн. Уыдон ныхмæлæуд кæнынц æнæрастдзинадæн, парахат кæнынц ногдзинæдтæн æмæ дзуапп дæттынц хицауадты.Сæ хъæлæстæ хъуамæ æрмæст нæ хъуамæ хъуысой, уыдон хъуамæ хъахъхъæд уой.