Йæ цардæй  ахицæн ис  режиссер Темур Чхеидзе
Йæ цардæй ахицæн ис режиссер Темур Чхеидзе

78 аздзыд  кары  амард  гуырдзиаг   режиссер   Темур Чхеидзе. Уый фæдыл информаци  Гуырдзыстоны  Фыццаг Каналæн  сбæлвырд кодтой Темур Чхеидзейы  хæстæджытæ.

Темур Чхеидзе фæцис   Тбилисы  паддзахадон  театралон   институты   режиссерон факультет 1965 азы. 1965-1967 азты  уыд Зугдиды  драмон театры, 1967-1970 азты æнахъом  кæсджыты гуырдзиаг  театры, 1970-1980  азты  Руставелийы театры, 1980-1990 азты  Марджанишвилийы  театры  режиссер.  1981-1988 азты  Гуырдзыстоны  телеуынынадон театры  аивадон къухдариуæггæнæг, Тбилисы паддзахадон театралон институты  артисты дæсныйады  æмæ  режиссерæйы  педагог.

1991 азæй  уыдис Санкт-Петербургы   Стыр  драмон театры  режиссер, 2004 азæй – сæйраг режиссер, 2007-2013 азты  – аивадон къухдариуæггæнæг.  Сæвæрдта 80-ы онг   драмон оперон   æмæ телеуынынадон  спектакль, сæ нымæцы  æнахъом кæсджыты  театры.

Лæвæрд йæм уыд  бирæ  хорзæгътæ  æмæ премитæ, сæ нымæцы 2013  азы Ильяйы   майдан,  гуырдзиаг культурæйы  сæрмагонд сгуыхтдзинады тыххæй; 2010  азы  ссис Тбилисы  цытджын  цæрæг, 1981 – Гуырдзыстоны  адæмон артисты  титул.

1997  азы  йæм лæвæрд уыд «Сыгъæриш софит», Санкт-Петербургы  бæрзонддæр театралон преми  номинацийы  «режиссеры  сегасдæр хуыздæр куыст»  Жан Ануйы  «Антигон» сæвæрыны  тыххæй.

Темур Чхеидзе  уыдис  цытджын  нысаны ордены «Сыгъзæрин  Гран-прийы»  хицау, афтæма  йæм лæвæрд уыд Шота Руставелийы  номыл   паддзахадон преми, Коте Марджанишвилийы  номыл преми,  Михеил Туманишвилийы  номыл преми, Гуырдзыстоны театралон преми  «Сыгъзæрин  маскæ» (дыууæхаттонæй).

 

Ныууадз комментари