Йæ цардæй ахицæн ис номдзыд артист Кахи Кавсадзе
Йæ цардæй ахицæн ис номдзыд артист Кахи Кавсадзе

85 аздзыд кары йæ цардæй ахицæн ис артист Кахи Кавсадзе. Информаци Гуырдзыстоны  Фыццаг Каналæн  сбæлвырд кодтой  Руставелийы  театры.

Кахи Кавсадзе  1959  фæцис Шота Руставелийы  номыл   театралон   институты артисты   факультет  æмæ ссис  Руставелийы  номыл   академион  театры  артист. Банысан кæнын хъæуы  йæ   театралон рольтæ: Адам «Æрвон комеди», Æлдар Къоцъиа «Зноныккон», Девдариани «Зылынгæнæн Хатдзæг», Иликъо «Æз, мæ гыцци, Иликъо æмæ Иларион», Симон Чачава «Кавказаг  мелы зылд», Лорд Хастингс «Ричард III», Кент «Паддзахад Лир», Распутин  (Къвачъи Къвачъантирадзе», Деви «Гъе мæ цы, хуылыдз кæй  у  хуылыдз сирен».

Кинойы   йæ дебют уыд  50-йæм азтæй. 70-йæ  фылдæр   аивадон, документон, цыбыр æмæ æххæстметражон  фильмты  иста хайад.  Кахи Кавсадзе  зынгæ  персонажтæ  сфæлдыста  кинофильмты:  «Фæззæджы Хур» (Самсон), «Верейы  сыхы  мелодитæ» (Иноченц), «Бæллиццы  бæлас» (Иорам), «Фæсмон» (Михеил Корешели), «Дон Кихот æмæ Санчо Пансайы цард» (Дон Кихот).

Кахи Кавсадзе  уыд Гуырдзыстоны сгуыхт  артист. Лæвæрд йæм уыд  бирæ премитæ – уыдис Шота Руставелийы  номыл   паддзахадон  премийы   лауреат, Котэ Марджанишвилийы  номыл  паддзахадон  премийы  лауреат,  лæвæрд йæм уыд  Иполите Хвичиайы  номыл приз «Ипо». 2008 азы  Руставелийы театры раз байгом ис  Кахи Кавсадзейы  номыл стъалы.