Ираны короновирусæй мардгондты нымæц цыппары онг сырæзт

Ираны ног типы короновирусæй мардгондты нымæц цыппары онг сырæзт. Ираны æнæниздзинады хъахъæды министрады информацийæ, вирусæй æнæхъæн бæстæйы масштабæй 13 адæймаг у инфициргонд, се æхсæн  авд горæт Хъумы, цыппар сæйраг сахары æмæ дыууæ Гиланы провинцийы.

Ног типы вирусæй инфициргонды фыццаг цау сбæлвырд ис Израилы дæр. Израилы æмбæстаг круизон нау «Даймонд принцессыл» уыд, кæцыйы вирусæй рынчынтæ уыд. Æнæхъæнæй науыл Израилы 11 æмбæстаг уыд, фæлæ 21-æм февралы æрбадæттæгтæм гæсгæ, иннæ 10 æмбæстагæн вирус не сбæлвырд ис.

Китайы парахатгонд коронвирусæй 2 236 адæймаг фæмард, инфициргондты нымæц та 75 465 у.