Цыфæнды политикон архайджытæ дæр баст уой бæстæйы мидæг протестты, мах уыдзыстæм æрвылбонон контакты кæрæдзиимæ, иумæ план кæндзыстæм, координаци кæндзыстæм протестон ныхасы фæдыл. Мах æвдыст æрцæудзыстæм иугонд форматы æхсæнадæмон партнертимæ, се æхсæн – уый фæдыл «Националон змæлды» уæнг Ираклий Павленишвили оппозицийы иу кæныны фарстайыл ныхас кæнгæйæ расидтис.

Йæ ныхасмæ гæсгæ, уый у протестон электораты бардзырд.

«Сæйраг фæлварæн, цæмæй нæ баиу кæнын нысаниуæгджын уыд уыцы адæймæгтæн, кæцытæ сты политикон тыхты фарсылхæцджытæ æмæ сты оппозицийы, уыд Руставелийы проспект. Бадзырды фæстæ, бабæрæг кодтам уым æрымбырдуæвæг адæм æмæ уыдонæй алчидæр тынг цин кодта.

Мах нæхи æрмæст политикон къордтæй арæн кæндзыстæм, нæм уыдзæн контакт æмбæстагон къордтимæ дæр. «Националон змæлд», æцæгæй та, сарæзта æнæхъæн политикон спектр. Хъыгагæн, иуæй-иутæ разындысты нырыкконы пайда уарзæг æмæ сæ уынæм «Гуырдзиаг бæллиццы». Сæйраг уый у, цæмæй протесты баст адæймæгтæ баиу уой. Дуар гом у алкæмæн дæр, кæцы йæхи нымайы протесты хайыл», -расидтис Ираклий Павленишвили.

Дыккаг марты уагъд æрцыд цалдæр оппозицион партийы фембæлд, кæцыйы фæстæ Ника Гварамиа расидтис: «Оппозицион альянс арæзт æрцыд, мах иумæ аразæм иудзинад уæлахизы тыххæй».

Фембæлды хайадисæг оппозицион партитæ дæр иумæйаг расидæн рапарахат кодтой, кæцыйыл сæ къухтæ æрфыстой: «Ахали», «Гирчи», «Дроа», «Европæйаг Гуырдзыстон», «Националон змæлд», «Националон демокративон парти», «Сæрибардзинады фæзуат», «Стратегиа Агъмашенебели», «Федералисттæ».