China Import Expo 2025-ы, цыран Гуырдзыстон традиционæй уыдзæн æвдыст, китайаг фарс нын ацы аз сæрмагонд уазæджы статус ратта, кæцы нысан кæны, цæмæй Гуырдзыстоны амалиуæгад, инвестицион æрдзон уавæр, туризм æмæ алы здæхт, кæцыйы нæ бæстæ æвдисы, ноджы зынгæдæр уыдзысты – уый фæдыл Гуырдзыстоны экономикæ æмæ æнæфæцудгæ рæзынады министры хæдивæг Ираклий Надарейшвили райхъусын кодта Шанхайы, цы ран цæуы цæттæгæнæн куыстытæ Китайы æхсæнадæмон импортон равдыстмæ.

“Гуырдзыстон æвдыст æрцæудзæн æртæ павильонæй — Националон павильон, Амалхъомдзинады павильон, æмæ Хæлцадон æмæ нозты павильон. Равдыстæн уæлдай нысаниуæг ис гуырдзиаг амалиуæггæнджытæн, уымæн æмæ ацы равдыст дæтты фадат бынæттон амалиуæггæнджытæн сæ экспортон потенциал максималонæй фæбæрзонддæр кæнынæн”, — загъта Ираклий Надаревишли.

Ацы егъау равдыст уагъд цæуы ныр æвдæм хатт, æмæ ацы аз Гуырдзыстонæй 40 бынæттон амалиуæггæнæгæй фылдæр хайад райсдзысты.

Китайы, кæдæм ацыд Гуырдзыстоны делегаци премьер-министры сæргълæудæй, плангонд цæуынц къорд бæрзонд æмвæзады фембæлдтытæ, се æхсæн Республикæ Китайы премьер-министримæ, афтæ ма дывæрсыг сразыдзинæдтыл къухтæ æрфыссын, кæцытæ ноджы тынгдæр сфидар кæндзысты дыууæ бæстæйы æхсæн куыд базарадон, экономикон, афтæ адæмон ахастытæ. Визиты фæлгæтты, Гуырдзыстоны экономикæйы æмæ æнæфæцудгæ размæцыды министр, Мариам Квривишвили, цалдæр æмбарады меморандум бафысдзæн, се æхсæн Китайы æмбæстагон авиацийы администрациимæ, Китайы базарады министрадимæ æмæ Китайы националон рæзынады æмæ реформæты комисимæ.

Уый фæдыл информаци Гуырдзыстоны экономика æмæ æнæфæцудгæ рæзынады министрад парахат кæны.