Володимир Зеленскийимæ знон ныхасы лыстæгдзинæдтыл мæ бон нæу фæныхас кæнын, фæлæ уыцы проблемæтæ, кæцытæ уыд, кæй зæгъын æй хъæуы, баззадысты. Нæдæр Адеишвили, нæдæр Лорткипанидзе, нæдæр уыцы расидæнтæ, кæцытæ сырæзтысты, нæдæр минæвары фæстæмæ æрсидты æскъуыддзаг никуыдæм ацыдысты – уый фæдыл Гуырдзыстоны премьер-министр Ираклий Къобахидзе журналисттæн расидтис.

Йæ ныхасмæ гæсгæ, знон сæйрагæйдæр уыдысты здæхт хæларадон ныхасмæ æмæ уый  тынг нысаниуæгджын уыд.

Къобахидзе куыд банысан кодта афтæмæй, проблемæтæ баззадысты, фæлæ нысаниуæгджын у фидæнмæ æркæсын.

«Мах арф нæ бацыдыстæм, уыцы нымæцы проблемæты фæдыл.Кæй зæгъын æй хъæуы, уыд проблемæтæ æмæ ацы проблемæтæ никуыдæм ахызтысты, фæлæ мах хъуамæ здæхæм фидæнмæ.Æз сæрмагондæй никуы ракой кодтон Зеленскийы негативон контексты æмæ уымæн ис иу хуымæтæг аххосаг, æмбырдгонд проблемæтæм æнæкæсгæйæ, Зеленский у ахæм бæстæйы президент, кæцы ис хæсты уавæры æмæ уымæ гæсгæ æз кæддæриддæр уыдтæн нæ хæлар» – банысан кодта премьер-министр.

Уымæй уæлдай ма, премьер банысан кодта: «Мах æххуыс кæнæм украинаг адæмæн, æвдисæм солидарондзинад Украинæимæ, цымыдис кæнæм бæстæты æмæ хицауадты æхсæн хæларадон ахастытæй».

Уæ информацийæн, Гуырдзыстоны премьер-министр Ираклий Къобахидзе 4-æм апрелы Европолитикон Цæдисы æстæм саммиты фæлгæтты Украинайы президент Володимир Зеленскиимæ фембæлд. Гуырдзыстоны хицауады информацимæ гæсгæ, Ираклий Къобахидзе æмæ Зеленскийы æхсæн фембæлд украинаг фарсы инициативайæ сырæзт æмæ дыууæ бæстæйы æхсæн ахастытыл фæныхас кодтой.

Зеленский украинаг медиимæ Гуырдзыстоны премьер-министр Ираклий Къобахидзеимæ фембæлды фæдыл фæныхас кодта.

«Дæргъвæтин рæстæджы мидæг фыццаг хатт уыд цыбыр лæгæй-лæгмæ ныхас Гуырдзыстоны премьер-министримæ æмæ хъуыды кæнын, цæмæй уый  раст у» – расидтис  Зеленский.