Ис нæм æнæрадон тенденцитæ туризмы æрдæм, фысымуæтты нымæц фæстаг 12 азы мидæг æртæ хатт фæфылдæр ис, – уый фæдыл Гуырдзыстоны премьер-министр, Ираклий Къобахидзе ног фысымуат æмæ фæлладуадзæн бынæтты проекты презентацийы рæстæджы расидтис комплекс Сионы.
Хицауады сæргълæууæг куыд банысан кодта, афтæмæй 2012 азмæ æнæхъæн бæстæйы масштабæй куыста 800 фысымуатмæ æввахс, абоны бæрæггæнæнтæм гæсгæ та, туризмы сектормæ бафтыд 1600 фысымуатмæ æввахс.
Йæ ныхæстæм гæсгæ, туризмæн æмæ ахæм проекттæн хицауады фарсылхæцындзинад фидæны дæр активонæй адарддæр уыдзæн.
«Арæзт цæуы егъау уазæгдоны комплекс, арæзт æрцæудзæн æппæт уавæртæ дæр, цæмæй адæмæн уа фæлладуадзæн фадат. Иумæйагæй сисгæйæ, бренд Le MERIDIEN тынг ахсджиаг у туризмы здæхты ног инициативæтæн, ног мотивацийæн. Бынат у æнахуыр, махæй бирæтæ нæ сабибонтæ арвыстой Сионы цадыл, æмæ ахæм уавæр арæзт æрцыд, кæцы сеппæтæй хуыздæр фадат дæтты уазæгдоны инфраструктурæйы идеалон рæзтæн», – расидтис Ираклий Къобахидзе.
Премьер- министр  бузныджы ныхæстæ загъта компани «Арки»-æн, проекты инициатортæн æмæ йæ реализацийы архайджытæн.
“Туризмы æнтыст, æмткæй райсгæйæ, у нæ бæстæйы æнтыст, æмæ фидæны бирæ хъуыддæгтæ сараздзыстæм, цæмæй экономикæйы ацы къабаз ноджы фæтыхджындæр уа”, — расидтис премьер.