Мах стæм уæздан бæстæ, сæрыстыр стæм нæ хæдбардзинадæй, суверенитетæй æмæ кæронмæ хъахъхъæндзыстæм нæ суверенитет æмæ хæдбардзинад. Мах никæмæн ратдзыстæм фадат нæ хæдбардзинад æмæ суверенитет фæцудын кæна фæсарæйнаг интервенцийы фæрцы – уый фæдыл Гуырдзыстоны премьер-министр, Ираклий Къобахидзе хицауады абоны рабадтыл расидтис.

Къобахидзейы ныхасмæ гæсгæ, «Нацмайдан Гуырдзыстоны нæ сырæзт æмæ никуы сырæздзæн».

«Æппæт уыдæттæ фæзындысты, уыцы нымæцы ацы аз дæр уалдзыгон мадзæлтты рæстæджы. Æппæт уыдæттæ фæзындысты ацы бонты. Уынут, цæмæй уыд координиргонд æмæ развæлгъау фыст пълан æмæ ацы пъланы реализацийы баст уыд фæсарæйнаг финанскæнынад. Уый тыххæй иуæй-иуты нæ бафæндыд æргомдзинады тыххæй закъон райсын, цæмæй Гуырдзыстоны революцион процесстæ æнæзонгæ хуызы финансгонд цыдысты. Ацы цыппар азы дæргъы мах федтам æртæ революцион процессы, æмæ хъыгагæн, уыдон иууылдæр финансгонд æрцыдысты фæсарæйнаг фæрæзтæй. Уый раст ахаст нæу нæ бæстæмæ. Мах стæм уæздан бæстæ, сæрыстыр стæм нæ хæдбардзинадæй, суверенитетæй æмæ кæй зæгъын æй хъæуы, кæронмæ хъахъхъæндзыстæм нæ суверенитет æмæ хæдбардзинад. Мах никæмæн ратдзыстæм фадат нæ хæдбардзинад æмæ суверенитет фæцудын кæнæм фæсарæйнаг интервенцийы фæрцы», -расидтис Ираклий Къобахидзе.