Бадзырдтæ  байгомёй Шантаж хъуамæ фæуа. Кæд сæ фæнды кæнын, уæд æй стъолыл æрæвæрут æмæ йæ æз абон бафысдзынæн – уый фæдыл Гуырдзыстоны премьер-министр, Ираклий Къобахидзе пресс-конференцийыл расидтис.

Ираклий Къобахидзейы ныхасмæ гæсгæ, къухдариуæггæнæг къордæн гæнæн уыд брифингыл зæгъын, цæмæй цыппар азы дæргъы нæ разы кæнынц бадзырдтæ байгом кæныныл, фæлæ афтæ нæ загътой.

«Мах загътам, цæмæй ацы фарст боны фæткæй исæм хæстæгдæр цыппар азмæ. Уыйбæрц, дыууæ азы дæргъы, кандидаты статусæй пайда кодтой шантажæн. Уый уыд катастрофæ, цы цыд нæ бæстæйыл, бæстæйы нæ тынгдæр куы хъуыд сабырад, Украинæйы хæсты райдианы. Растдæр уыцы рæстæджы райдыдтой нæ бæстæйы шантаж кæнын кандидаты статусæй, æмæ афтæ цыд зæгъæн ис дыууæ азмæ. 2022 азы февралæй 2023 азы декабрмæ нæ шантаж кодтой куыд кандидаттæ. Уæд ацы шантажы фæрæз фæцудыдта, радтой нын кандидаты статус, æмæ нын райдыдтой шантаж кæнын бадзырдтæ байгом кæнгæйæ. Æппæт уыдæттæ ныр æртæ азы дæргъы цæуынц æмæ сты æрхъуыдыгонд ​​фæрæз, кæцыйы фæрцы архайынц æхсæнад дих кæнын, поляризаци æрттивын кæнын, радикализм æрттивын кæнын. Уый хъуамæ фæуа. Уый тыххæй зæгъæм хуымæтæг хъуыддаг, кæрон скæнут шантажæн æппæт уыдæттæй, уæ хорзæхæй, кæд сæ фæнды бадзырдтæ байгом кæнын, уæд æй стъолыл æрæвæрут æмæ йæ абон мæ къух æрфысдзынæн. Иу хъуыддаг зæгъæм, нæхи æрдгæй, ацы фарста боны фæткы нæ уыдзæн фидæн цыппар азы дæргъы, цæмæй никæмæн баззайа шантажы фæрæз», -расидтис Ираклий Къобахидзе.