Гуырдзыстоны премьер-министр, Ираклий Къобахидзе фембæлд Националон Демокративон Институты Гуырдзыстоны офисы директор  Алан Гиламc æмæ  æвзæрстыты цæстдарæн миссийы минæвæрттимæ.

Хицауады сæрдары пресс-службæйы информацимæ гæсгæ, фембæлды сæйраг темæтæ уыдысты цæугæ азы парламентон æвзæрстытæ æмæ æвзæрстыты агъоммæ уавæр. Æргом аздæхтой ног æвзарæн закъондæттынадмæ.

«Хицауады сæрдар банысан кодта, зæгъгæ, историйы фыццаг хатт æвзарджыты 90 процентæй фылдæр регистраци кæндзысты æмæ схъæлæс кæндзысты электронон технологитæй пайдагæнгæйæ, æвзæрстыты фæстиуджытæ та нымад æрцæудзысты ахæм методæй. Уымæ гæсгæ, æвзарæнон процессы хъæндзинæдтæ фæкъаддæр уыдзысты, кæцы ифтонг кæндзæн æвзæрстыты ауадзын бæрзонд æмвæзадыл.

Ныхасы афтæдæр æрдзырдтой æппæтдунеон цæстдарæн мисситы ролыл æмæ бæстæйы уæвæг политикон уавæрыл. Ираклий Къобахидзе расидтис, цæмæй ацы хатт сифтонг уыдзысты сæрибар æмæ раст æвзæрстытæ афтæ дæр æвзæрстыты процессы максималон æргомдзинад. Уый тыххæй æвзæрстытæм сæ цæст дарынмæ хуынд цæуынц куыд цыбыр æмгъуыдмæ, афтæ дæргъвæтин æмгъуыдмæ авторитетон дунеон организациты мисситæ.

Хицауады сæргълæууæг ноджы иу хатт сбæлвырд кодта хицауады цæттæдзинад, бæстæйы политикон поляризаци фæкъаддæр кæнынмæ куыд гæнæн ис афтæ фылдæр хайбавæрд бахæссын, цæмæй æвзарæнон кампани уагъд æрцæуа сабырадон уавæры», – хъусын кæны пресс-куыстуат премьер-министры штаттæ.