Гуырдзыстоны премьер-министр Ираклий Къобахидзе «Рустави Азоты» инвестор корпораци «Индорама»-йы хицау Амит Лохиимæ фембæлд.

Гуырдзыстоны хицауады информацимæ гæсгæ, фембæлдыл уынаффæ цыд корпорацийы стыр инвестицитæ Гуырдзыстоны, афтæ дæр минералон хъацæнтæ æмæ промышленнон химикаттæ уадзæг иуæй-иу сеппæтæй стырдæр химион куыстуат – Рустави Азоты плангонд ногдзинæдтыл.

«Корпорацийы хицау бузныг расидтис Гуырдзыстоны хицауадæн йæ фарсылхæцындзинады тыххæй æмæ бахахх кодта бæстæйы æвæрццаг инвестицион уавæр.

Хицауады сæрдар банысан кодта, цæмæй Гуырдзыстоны хицауад максималонæй æххуыс кæны бæстæйы фæсарæйнаг комкоммæ инвестицитæн, кæцы зыны экономикон рæзтыл æмæ ног куысты бынæтты сырæзтыл.

Дунейы стырдæр корпорацитæй иу «Индорама» иу кæны, минералон хъацæнтæ, промышленнон химикаттæ æмæ алыхуызон химикон продукттæ уадзæг куыстуæттæ. Корпорацийæн ис 160-æй фылдæр куыстуат дунейы 40 бæстæйы бæрц æмæ кусы 45 мин адæймагæй фылдæр», -ис фыст Гуырдзыстоны хицауады фидиуæны.

Фембæлдыл Гуырдзыстоны экономикæ æмæ æнæфæцудгæ рæзынады министр Мариам Квривишвили, хицауады администрацийы къухдариуæггæнæг Леван Жоржолиани, Рустави Азоты цæстдарæг советы директор Пракаш Кеджривал æмæ Рустави Азоты цæстдарæг советы уæнг Ефрем Урумашвили истой хайад.