Анаклийы проекты фæдыл æппæтдунеон тендер ныридæгæн фæцис æмæ æвзæрст æрцыд бельгиаг компани, кæцы наулæууæны арæзтадимæ комкоммæ баст куыстытæ æххæст кæндзæн, – уый фæдыл Гуырдзыстоны премьер-министр Ираклий Къобахидзе хицауады фембæлдыл расидтис.

Премьер-министры расидæнмæ гæсгæ, уый у иуæй-иу сеппæтæй стырдæр компани ацы фадыджы, Jan De Nul, кæцы хæрз тагъд рæстæджы райдайдзæн кусын.

«Анаклиайы порты проекты фæдыл арбитражон быцæудзинад паддзахад фæуæлахиз ис. Тынг ахсджиаг уыд паддзахады интерестæ хъахъхъæнын. Фæнды мæ бузныг зæгъон юстицийы министрæн æмæ юстицийы министрады æппæт кусджытæн, кæцытæ баст уыдысты ацы хъуыддаджы. Консорциум йæ хæстæ куы нæ сæххæст кодта, уæд паддзахад «Анаклиайы» проекты тыххæй æргом уыд. Консорциумæн проект сæххæст кæнынæн хицауад сарæзта æппæт уавæртæ дæр, фæлæ консорциумæн йæ хæс сæххæст кæнын нæ бантыст. Уыцы фоныл уыдон бахастой арбитражон хъаст, фæлæ Юстицийы министрад æмбæлон æгъдауæй бахъахъхъæдта паддзахады интерестæ, æмæ æппынфæстаг, хъуыддаджы тыххæй рæстдзинад сбæлвырд. Уый тыххæй ноджы иу хатт бузныг зæгъын юстицийы министрæн æмæ министрадæн.