Гуырдзыстоны премьер-министр Ираклий Къобахидзе, Евросоветы президент Антонио Коштайы æрсидтæй, Албанийы сæйраг сахар Тиранайы Европолитикон советы саммиты хайад исы.

Саммиты хайадисæг лидертæн фысым кæны Албанийы премьер-министр Эди Рама. Гуырдзыстоны премьер-министр куыд расидтис афтæмæй, Европолитикон цæдисы саммитыл фæныхас кæндзæн бæстæйы фундаменталон националон интерестимæ баст сæйраг хъусынгæнинæгты фæдыл.

“Саммитыл æвдыст æрцæудзысты æппæт европæйаг бæстæты лидертæ. Мæнæн уыдзæн фадат раныхас кæнын тымбыл стъолы форматы. Ацы форматæй дæр спайда кæндзыстæм æндæр æмæ æндæр бæстæты лидертимæ ныхас кæнынæн. Кæй зæгъын æй хъæуы, ныхас кæндзыстæм нæ бæстæйы сæйраг хъусынгæнинæгтыл, кæцытæ баст сты нæ фундаменталон националон интерестимæ”, — загъта Ираклий Къобахизе.

Хицауады Сæргълæууæг уыд ЕПК-йы 6-æм конференцийы гомгæнæн сессийы, уый фæстæ та конференцийы хайадисæг лидертæ систой иумæйаг къам. Европолитикон цæдисы 6-æм саммитыл хайад исынц 50 бæстæйы бæрц лидертæ, афтæ дæр европон æмæ æппæтдунеон институтты къухдариуæггæнджытæ.

Гуырдзыстоны премьер-министр Европолитикон цæдисы саммитмæ цæуы делегациимæ иумæ, кæцыйы сконды сты фæсарæн хъуыддæгты министр Мака Бочъоришвили æмæ хицауады администрацийы къухдариуæггæнæг Леван Жоржолиани.

Информаци Гуырдзыстоны хицауад парахат кæны.