Гуырдзыстоны премьер-министр Ираклий Къобахидзе Европолитикон æмæхсæнады 8-æм саммиты хайад райсдзæн, кæцыйы фысым у Сомихыстон. Уый тыххæй хъусын кæны хицауады администрацийы пресс-службæ.

Сæ ныхасмæ гæсгæ, Ираклий Къобахидзе тымбыл стъолы дискуссийы раныхас кæндзæн, кæцыйы сæйраг темæ бастдзинад æмæ экономикон æдасдзинад фæтыхджындæр кæнын у.

Визиты фæлгæтты, Ираклий Къобахидзе Европолитикон æмæхсæнады 8-æм саммиты гомгæнæн пленарон рабадтмæ æрцæудзæн, афтæ дæр æндæр æмæ æндæр бæстæты лидертимæ иумæ наркотикты ныхмæ европæйаг коалицийы (ECAD) дыккаг фембæлдыл хайад райсдзæн.

Премьер-министр  афтæ дæр хайад райсдзæн официалон райсты, кæцы уагъд æрцæудзæн Сомихы президент Вахагн Хачатурян æмæ премьер-министр Николь Пашиняны номæй, Европæйы политикон æмæхсæнады 8-æм саммиты хайадисæг лидерты цытæн.

Премьер-министр делегациимæ иумæ Ереванмæ абалц кодта, кæцыйы сконды сты Гуырдзыстоны премьер-министры хæдивæг æмæ æттаг хъуыдтæгты министр Мака Бочъоришвили æмæ хицауады администрацийы сæрдар Леван Жоржолиани.