«Европæйаг бюрократи гуырдзиаг адæмæй мæсты кæны, фæлæ нæ хъуыды кæнын, цæмæй уыдон ахæм æнæзонд архайд сараздзысты æмæ гуырдзиаг адæмы бафхæрдзысты сæ политикон равзæрсты тыххæй» – райхъусын кодта Гуырдзыстоны премьер-министр Ираклий Къобахидзе.

Хицауады сæргълæууæг банысан кодта, зæгъгæ, хицауад æппæт гæнæнæй дæр аразы бæстæйы европæйаг интеграци дарддæр кæныны тыххæй æмæ тох кæны сæрибардзинадыл, сæрибардзинадыл тохы та, загъта уый, “визæ райсыны рады лæууыны фарст у дыккаг ран”.

«Нæ хъуыды кæнын, цæмæй ахæм æнæрхъуыды къахдзæф сараздзысты, кæд æмæ раздæр дæр сарæзтой бирæ æнæрхъуыды архайдтытæ. Евроцæдисы пресс-нымæрдар куы æргомæй йæ фарсыл хæцы Паата Бурчуладзейы хъусынгæнинаг путчæн, уæд дæхæдæг фендзынæ, цавæр абсурдмæ аныгъуылд Европæйы бюрократи. Ацы фоныл диссаг ницы у, фæлæ сæм æнæкæсгæйæ мæсты кæнын — æмæ уыдон æцæгæйдæр мæсты кæнынц гуырдзиаг адæмæй, сæ равзæрстæй, сæ тохæй сабырад æмæ сæрибардзинады сæраппонд — æз нырма дызæрдыг кæнын, ахæм æнæрхъуыды къахдзæф кæй сараздзысты — æнæвизæйон режим скуынæг кæнгæйæ, гуырдзиаг адæмы бафхæрынмæ хъавгæйæ.

Мах аразæм алцыппæт европæйаг интеграцийæн — æххæст кæнæм Ассоциацийы бадзырд, DCFTA æмæ æндæр хæстæ, æххæст кæнæм æппæт хъæугæ реформæтæ. Гуырдзыстон у алы фадыджы æмæ алы объективон критеритæм гæсгæ номырон фыццаг кандидат бæстæ, се æхсæн Еврокомисы аргълæвæрдтæ: демократи, адæймагы бартæ, экономикæ, бизнесы сæрибардзинад æмæ афтæ дарддæр. Мах дæр афтæ кæнæм. Иннæтæ аразгæ сты уымæй, цас прагматикон у Евроцæдисы ахаст. Кæд æмæ уыдзысты прагматон, уæд 2030 азы мах суыдзыстæм Евроцæдисы уæнг. Мах тох кæнæм сæрибардзинадыл, æмæ куы тох кæнай сæрибардзинадыл, уæд визæйы рады лæууын æнæнысаниуæгджын хъуыддаг у», -расидтис Къобахидзе.