Гуырдзыстоны премьер-министр Ираклий Къобахидзе Дунеон горæтон саммиты хайад райсдзæн, кæцыйы фысым кæны Азербайджаны сæйраг сахар Баку Иугонд Нациты Организацийы адæймагон цæрæнуæтты программæимæ иумæ (UN-Habitat).

Гуырдзыстоны хицауады сæргълæууæг æппæтдунеон горæтон форумы 13-æм рабадтыл раныхас кæндзæн. Ираклий Къобахидзе Азербайджаны республикæйы президент Ильхам Алиевимæ фембæлд плангонд у.

Саммиты фæлгæтты паддзахæдты лидертæ æруынаффæ кæндзысты климаты ивды æмæ конфликтты аххосæй æвзæргæ дунеон цæрæнуæтты кризисы æрбæстон кæныны фæндæгтыл, кæцы у æнæфæцудгæ æмæ инклюзивон горæты размæцыды нысаниуæгджын уæлæмхасæнтæй иу.

Саммитыл 180-æй фылдæр бæстæйы минæвæрттæ исынц хайад, се æхсæн æндæр æмæ æндæр паддзахадты лидертæ, стыр бизнесы минæвæрттæ, горæтты пълангæнджытæ æмæ æнæзмæлгæ мулкы девелопертæ.

Гуырдзыстоны премьер-министр делегациимæ Бакумæ ацыд, кæцыйы сконды сты премьер-министры хæдивæг æмæ æттаг хъуыдтæгты министр Мака Бочъоришвили, экономикæ æмæ æнæфæцудгæ рæзынады министр Мариам Квривишвили, мидхъуыддæгты министр Тамазашвили Сулхан æмæ хицауады администрацийы къухдариуæггæнæг Леван Жоржолиани.