Евроцæдисы минæвар Гуырдзыстоны адæмæн мидхæст æмæ мæгуырдзинадæй æртхъирæн  куы кæны, уæд уый хуымæтæджы æнæрхъуыды у – уый фæдыл Гуырдзыстоны премьер-министр Ираклий Къобахидзе журналисттæн расидтис.

Ираклий Къобахидзейы ныхасмæ гæсгæ, Евроцæдисы минæвар трагикон уавæры ис,уый  гуырдзийаг адæмы ныхмæ æртхъирæнтæ аразын кæй  бахъуыд.

«Зын у мæнæн ацы расидæнæн аргъ скæнын дæр. Евроцæдисы минæвар гуырдзиаг адæмæн мидхæстæй æмæ мæгуырдзинадæй куы тæрсын кæны, уæд уый хуымæтæджы æнæрхъуыды у. Уымæн аргъ скæнын нæй гæнæн. Ноджы иу хатт бахахх кæнын, цæмæй минæвар, хъыгагæн, трагикон уавæры ис, кæд æмæ йæ бахъуыд ахæм æртхъирæнттæ скæнын гуырдзиаг адæмы ныхмæ –расидтис Къобахидзе .