Гуырдзыстоны премьер-министр Ираклий Къобахидзе фембæлд «Абу-Дабийы портты къорды» регионалон æххæстгæнæг директор Абдулазиз Заид Аль Шамсиимæ. Уый фæдыл информаци Гуырдзыстоны хицауады пресс-куыст парахат кæны.

Сæ ныхасмæ гæсгæ, фембæлдыл бакастысты Астæуккаг къæлидоры транспортон-логистикон маршруты нысаниуæгдзинад æмæ ацы æрдгæй Тбилисы хус наулæууæны проекты ролыл, кæцы Абу Дабийы портты къорды инвестицийæ сыххæст ис.

Фарсытæ равдыстой сæ цæттæдзинад æмгуыстад ноджы фæуæрæхдæр кæнынмæ, уый нымæцы стратегион логистикæ æмæ транспортон проектты.

Банысангонд æрцыд, цæмæй æнтыстджын партнерады дæнц у Тбилисы хус наулæууæн, кæцы фарон кусын райдыдта æмæ Астæуккаг къæлидоры фæрцы, Ныгуылæн Азийы рауагъдадон центртæ Скæсæн Европæйы фæлхасгæнæг базартимæ иу кæны Гуырдзыстоны, Турчы, Азербайджаны, Арменийы æмæ Казахстаны куыд денджызон, афтæ дæр хус портты хызæгæй.

Абу-Дабийы портты къорд у 60% акционер æмæ сæйраг партнер Тбилисы хус наулæууæны, кæцы ног логистикон центры эксплуатаци кæны. Компани Тбилисы хус наулæууæны проектмæ абоны онг 16 милуан доллар бахардз кодта, æмæ проект куыд цæуы, афтæ суммæ дæр фылдæр кæндзæн.

Абу-Дабийы портты къорд у денджызон æмæ логистикон секторы раззагдæр архайæг, æххæст кæны дунеон æмвæзады порттæ, логистикон центртæ æмæ промышленнон зонæтæ. Компани кусы Æввахс Скæсæны, Европæйы, Азийы æмæ Африкæйы æмæ дзы кусы 6 мин адæймагæй фылдæр.