Гуырдзыстоны премьер-министр Ираклий Къобахидзе фембæлд Мохамед Алабаримæ, кæцы дунейы стырдæр размæцыды компанитæй иу «Игл Хиллзы» бындурæвæрæг у, кæцы Гуырдзыстоны сеппæтæй стырдæр инвестици 6,6 миллиард АИШ доллары бæрц реализаци кæны. Уый фæдыл информаци Гуырдзыстоны премьер-министры пресс-куыст парахат кæны.

Сæ ныхæстæм гæсгæ, фембæлды рæстæджы уынаффæ цыд проекты конкретон æууæлтыл.

«Хицауады сæрдар ноджы иу хатт бахахх кодта Гуырдзыстоны историйы стырдæр инвестицион проекты сæрмагонд нысаниуæг æмæ банысан кодта, цæмæй уый ног импульс ратдзæн Гуырдзыстоны экономикæйы размæцыдæн.

Проект «Игл Хилз» Кърцанисы æмæ Гониойы алкæмæй бæрзонддæр стандарты инфраструктурæ сараздзæн, кæцы сеппæтæй хуыздæр алфамбылай æрбавдисдзæн куыд Гуырдзыстоны æмбæстæгтæн афтæ дæр Гуырдзыстоны уазджытæн.

Проект арæзтады этапыл 24 мин куысты бынатæй фылдæр сараздзæн, арæзтады фæуды фæстæ та 8 минæй фылдæр куысты бынат. Компанийы политикæмæ гæсгæ, проекты комкоммæ реализаци гуырдзиаг арæзтадон компанитæ сифтонг кæндзысты, кæцы бæстæйы бизнес-секторы размæцыдæн ахъаз уыдзæн. Проекты комкоммæ æндæвдад Гуырдызстоны экономикæйыл уыдзæн 11 миллиард лари», -ис фыст официалон информацийы.

Фембæлды экономикæ æмæ æнæфæцудгæ рæзынады министр Квривишвили Мариам иста хайад.