Ног аз у бæрæгбон, кæцыйыл æмбæлæм нæ бæллицтæ сæххæст кæныны æмæ нысантæ къухы бафтын кæныны ныфсæй. Растдæр уый мæ зæрдæ зæгъы сымахæй алкæмæн æмæ уæ бинонтæн – бæллицты сæххæст æмæ уæ алкæцы нысæнтты къухы бафтыд – уый фæдыл Гуырдзыстоны премьер-министр, Ираклий Къобахидзейы ногазон арфæйы ис фыст.

Ираклий Къобахидзейы ныхасмæ гæсгæ, 2025 аз нæ бæстæйæн зындзинæдтæй йедзаг уыд, фæлæ æмрæстæджы æнтыстджын.

«Ног азы хорзæх уæ уæд.Ног азы хорзæх уæ уæд алкæмæн нæ æмзæххонтæн, фæсарæнты цæрæг æмзæххонтæн, Абхазы æмæ Самачаблойы цæрæг гуырдзиæгтæн, абхазæгтæн æмæ ирæттæн.

Арфæ кæнын ахуыргæнджытæн, дохтыртæн, нывгæнджытæн, паддзахадон службæгæнджытæн, æфсæддонтæн, пъæлицæйы кусджытæн, тæрхонгæнджытæн, прокурортæн, хъахъхъæнынады структурæты минæвæрттæн, амалхъом адæмæн, фермертæн, зæхкусджытæн, кусджытæн, алы дæсныйады минæвæрттæн.

Ног аз у бæрæгбон, кæцыйыл æмбæлæм нæ бæллицтæ сæххæст кæныны æмæ нысантæ къухы бафтын кæныны ныфсæй. Уый мæ зæрдæ зæгъы сымахæй алкæмæн дæр æмæ уæ бинонтæн дæр — бæллицтæ сæххæст уой æмæ уæ нысантæ иууылдæр сæххæст кæной.

2025 аз нæ бæстæйæн уыд зындзинæдтæй йедзаг, фæлæ уыцы-иу рæстæг æнтыстджын. Ивгъуыд азы ноджы фæтыхджындæр кодтам сабырад Гуырдзыстоны, фæтыхджындæр кодтам Гуырдзыстоны хæдбардзинад æмæ суверенитет, фæтыхджындæр кодтам Гуырдзыстоны экономикæ, кæцы историйы фыццаг хатт 100 миллиардæй ахызт. Ивгъуыд аз уыд ивæн рæстæг паддзахадон хицауиуæгады системæ фæхуыздæр кæныны æмæ закъоны уæлдæрдзинад фæтыхджындæр кæныны æрдгæй.

2025-æм азы æвæрд бындур аразы фидар уæлæмхасæн, цæмæй фидæн аз ноджы æнтыстджындæр уа Гуырдзыстонæн.

Нæ бæстæйæн 2026 аз у сæрмагонд: фидæны аз бæрæг кæндзыстæм чырыстон дин паддзахадон диныл расидыны 1700 азы юбилей. Чырыстон дин Гуырдзыстоны идентондзинады иуæй-иу сæйраг цæджындз у, кæцы бæрæг кæны æрмæст нæ уырнынад нæ фæлæ ма нæ культурæ дæр.

Арфæ кæнын йæ сыгъдæгдзинад æмæ амондджын Илья Дыккагæн Ног азы цытæн, кæцыйæн йæ æрдæг æнусы архайд æнæаргъ хайбавæрд бахаста Гуырдзыстоны фидар кæнынмæ.

Чырыстон диныл иузæрдиондзинад, Хуыцау æмæ  Æппæтысыгъдæг Мад Майрæмы хорзæх нынад нын фадат радтой æнусты дæргъы, бирæ тыхдымгæтæм нæ кæсгæйæ, паддзахаддзинад æмæ национ æууæлтæ бахъахъхъæнынæн. Æппæт уыдæттæ фидар кæнынц нæ уырнындзинад, цæмæй Гуырдзиаг Бæллиц Уый æнæмæнгæй сæххæст уыдзæн иугонд Гуырдзыстонæн иу бон.

Чырыстон дины бындур у уарзондзинад, уарзондзинад та у цыфæнды адæймаджы кæнæ паддзахады тыхы бындур.

Уымæ гæсгæ мæ зæрдæ зæгъы алкæмæн дæр фылдæр уарзондзинад, алкæмæн дæр мæ зæрдæ зæгъы фылдæр хорздзинæдтæ, мæ зæрдæ уын зæгъы сабырдзинад, æнæниздзинад, амонд æмæ размæцыд ног 2026 азы!

Бирæ амондджын ног азтæ уын уæд», — дзырдæуы хицауады сæрдары Ног азы арфæты.