Президентон æвзæрстытæ закъонмæ гæсгæ нысангонд сты. Парламент куы æрæмбырд уа, уæд снысан кæндзæн конкретон бон, процедурæтæ январы фыццаг æмбисы онг фæуыдзысты – уый фæдыл парламенты процессуалон фарстыты комитеты сæрдар Ираклий Кадагишвили расидтис.

Йæ ныхасмæ гæсгæ, президенты парламенты æвзардзысты 300 æвзарæг.

«Президентон æвзæрстыты планкæнынад снысангонд у закъонæй æмæ алцыдæр сырæздзæн ацы закъонмæ гæсгæ. Уый искæй фæндонæй аразгæ нæу, уымæ гæсгæ парламент куы æрæмбырд уа, уæд снысан кæндзæн бæлвырд бон президентон æвзæрстытæн. Уый уагъд æрцæудзæн парламенты, 300 æвзарæг æвзардзæн президенты, уыдон сты парламенты æххæст сконды, Аджарийы æмæ Абхазы автономон республикæты закъондæттæн органтæ æххæст сконды, иннæ бынæттæ та партитæ дих кæндзысты пропорционæй пропорцион æвзæрстыты горæты советты райсгæ хъæлæстæм.

300 æвзарæгæй 30-æн сæ бон у президентмæ кандидаты раразмæ кæнын, фæлæ æрмæст иу кандидаты раразмæ кæнын гæнæн ис. Кандидат фыццаг этапыл хъæлæсты 2/3 хъуамæ райса, куы нæ фæрæстмæ уа, уæд уыдзæн дыккаг хъæлæсæппæрст, цы ран хуымæтæг фылдæры хайæ æвзæрст æрцæудзæн. Снысангонд процедурæтæ январы фыццаг æрдæгмæ фæуыдзысты», -расидтис Кадагишвили.