Гуырдзыстоны   æмæ Турчы  Респбуликæйы æхсæн уæвæг стратегион   партнерад,  базарадон-экономикон  ахастытæ, дунейы   æмæ Кавказы   регионы   уæвæг    æдадсзинады  уавæр  уыд  Гуырдзыстоны  премьер-министр Ираклий Гъарибашвили æмæ Турчы Республикæйы  президент Реджеб Тайип  Эрдогъаны  фембæлдты  сæйраг æркæсинаг  фарстатæ.

Премьер-министр пресс-куысты  информацийæ,  Нью-Йоркъы ИНО-ы  генералон ассамблейы  фæлгæтты  ацæугæ фембæлдыл,  бахахх ис  дыууæ бæстæйы   æнгом  хæларон  æмæ партнерон   ахастыты  нысаниуæг.  Бынысан ис   фæстаг  азты дыууæ   бæстæйы    стратегион     партнерады  нысаниуæгджын фæстиуджытæ,  бæрзонд æмвæзады  дыууæфарсон   ахастыты политикон   динамикæ  æмæ  регионон-геостратегикон  равгы  проектты Гуырдзыстон æмæ Турчы Республикæйы  архайд æмæ  активон æмгуыстад.

«Æркæсинаг  фарстаты  æхсæн уыд Украинайы  цæугæ  хæст æмæ уый фæстиуæгæн,  Дунейы æмæ регионы  уæвæг вазыгджын уавæр  æдасдзинады æрдгæй. Бахахх ис регионы  дарддæры райрæзты  æмæ дæргъвæтин   фарæнæн хъæугæ  сабырдзинады æмæ стабилондзинады нысаниуæг»,-  банысангонд у  премьер-министры  пресс-куысты   информацийы.

Афтæма сæ  информацийæ,  премьер-министр  Турчы  президенты Гуырдзыстонмæ  фæхуыдта.