Нæкæсгæ уымæ,  цæмæй  мингай лигъдонæн  закъонмæ гæсгæ  сбæлвырд кодтам  æмæ сын раттам хæдзæрттæ, уый нымæцы  «хæдзар хъæуты»  программæйы  фæлгæтты  сын балхæдтам хæдзæрттæ,  саразинаг нырма  бирæ  ис, – уый фæдыл  Гуырдзыстоны  премьер-министр, ираклий Гъарибашвили  хицауады рабадтыл райхъусын кодта.

Хицауады  сæргълæууæгы дзырдæй, нырма тынг бирæ  лигъдонæн  нæй  хæдзар.

«Уый тыххæй   ныр райдайæм  масштабон проект, 13000-ы онг лигъдон бинонтæ райсдзысты  хæдзæрттæ  иннæ  3-4 азы мидæг. Уыдонæй  сæ хайæн  закъонмæ гæсгæ  сбæлвырд уыдзæн  цæрæн фæзуат, иннæ  хайæн  6000 –ы онг   лигъдонмæ лæвæрд уыдзæн  хæдзæрттæ «хæдзар хъæуты»  программæйы фæлгæтты.  7000-ы онг  лигъдон бинонтæн   арызт уыдзæн  ног, нырыккон  стандарттæм æмбæлон корпус æмæ сæм лæвæрд уыдзæн  нырыккон стандартты  хæдзæрттæ   æххæст ремонтæй, кæцы нæ  хæс у.  Кутаисы  ацы  аз   фæуд кæны 700 хæдзары арæзт, кæцы лигъдон бинонтæм лæвæрд уыдзæн   фæззæджы æмæ уалдзæджы, куыд  банысан кодтон,  афтæмæй,   райдайдзæн  ног корпусты арæзтад  Тбилисы, Руставы, Кутаисы, Зугдид æмæ  Борджомы.  Ай у масштабон проект, кæцы  максимум 3-4 азмæ хъуамæ  сæххæст уа», –  банысан кодта  премьер.