Ираклий Гъарибашвили Карл Харцеллæн адæтта Еврокомиссийы  фарстаты анкеты фыццаг хай
Ираклий Гъарибашвили Карл Харцеллæн адæтта Еврокомиссийы фарстаты анкеты фыццаг хай

Гуырдзыстоны  премьер-министр Ираклий Гъарибашвили,  хицауады  администрацийы,   Евроцæдисы  минæварады къухдариуæггæнæг   Карл Харцеллмæ   Еврокомиссийы фарстаты  анкеты фыццаг хай  алæвæрдта, кæцыйы бæстæ нырид баххæст кодта.

«Тынг  хъал дæн  фадатæй  радæттæм уын   еврокомиссийы  фарстаты анкетыл нæ дзуаппытæ, Евроцæдисы  уæнгсуæвыны фæдыл Гуырдзыстоны бавдыст   куырдиатыл  хатдзæг  æрцæттæ кæнынæн», – загъта премьер.

Евроцæдисы минæвар Гуырдзыстонæн  æнтыстытæ ракуывдта æмæ  банысан кодта, цæмæй  йын стыр кад  у  ацы историон процессы  хайад райсын.

«Фæнды мæ стыр бузныг зæгъын æмæ  хаххгондæй банысан кæнын, цæмæй  мын стыр кад у, уон  ноджы иу  историон   моменты  хайадисæг  æмæ уæ фарсмæ уон  ацы  цивилизацион æвзæрсты æрдæм фæндагыл», – загъта Карл Харцелл.

Хицауады сæргълæууæг  банысан кодта, цæмæй Гуырдзыстоны хицауад  зæгъгæ, алы  æмбæлон   паддзахадон  уагдон дарддæр кæнынц институцион куыст фарстаты анкеты  дыккаг, секотрон  хай баххæст кæнынæн, кæцы у 33 сæрæй  æмæ  дзы  ис  2300-ы онг  фарста.  Ираклий Гъарибашвилийы фидиуæнæй,   Гуырдзыстоны  хицауады  фæндон у,  фарстаты дыккаг хай Евроцæдисмæ,  лæвæрд æмгъуыдæй  раздæр  бавдиса æмæ уый тыххæй  уагдæттæ  сæ тыхайрхайдыл нæ ауæрдынц.

Бæрæг куыд у афтæмæй,   баххæстгонд  фарстаты анкет  райсты фæстæ, еврокомисси райдайдзæн  сæрмагонд аргълæвæрдыл кусын, кæцы  лæвæрд уыдзæн Евроцæдисы Советмæ  æмæ совет æмбæлон  уынаффæ, æнхъæлцау  июны  кæрон рахæсдзæни.

Информацийы хъусын кæны Гуырдзыстоны  хицауады администрацийы пресс-куыст.

Ныууадз комментари