Ираклий Гъарибашвили фембæлдис Сомихыстоны  æдасдзинады  советы  нымæрдаримæ
Ираклий Гъарибашвили фембæлдис Сомихыстоны æдасдзинады советы нымæрдаримæ

Гуырдзыстоны премьер-министр Ираклий Гъарибашвили  фембæлдис Сомихыстоны Республикæйы националон  æдасдзинады  советы  нымæрдар Армен  Григорянимæ.

Премьер-министры  пресс-куысты  информацийæ, фарсытæ   Гуырдзыстоны æмæ Сомихыстоны  æхсæн уæвæг   хæларсыхагон  ахастытæ  æркастысты æмæ фидæнон æмгустады  æрдæмадтыл фæуынаффæ  кодтой.

Хицауады сæргълæууæг  Армен Григорянæн Гуырдзыстонмæ визиты тыххæй  бузныг загъта  æмæ бахахх кодта  регионы  сабырдзинады æмæ стабилондзинад сифтонг кæныны  нысаниуæг.

«Загъдæуыд, цæмæй  дыууæфарсон  ахастыты рапахат кæныны нысанæн, Гуырдзыстон цæттæ у,  сæрмагонд хайбавæрд  скæнын  регионон диалогы, экономикæйы,  базарады, культурæйы æмæ æндæр  фадгуытæн къухацаразынæн.

Ныхас уыд  премьеры сабырадон  сыхагон  инициативæмæ, куыд  диалогы  нысаниуæгджын  платформæмæ. Афтæма  фарсытæ  фæныхас кодтой  Украинайы  цæугæ хæстон архæйдтытыл.

Премьер-министр банысан кодта,  цæмæй Гуырдзыстон  солидарондзинад  сиды  Украинайæн æмæ  йæ фарс хæцы   политиконæй, афтæма  алы  æхсæнадæмон форматы. Хъусдард  здæхт уыд   гуманитарон  æххуысы æрдæм, кæцыйы бæстæ  украинаг  адæмæн  æрвиты», –  банысангонд у премьер-министры  пресс-куысты   информацийы.