Гуырдзыстоны НАТО-мæ интеграцийы процесс æмæ регионы сырæзт æдасдзинады уавæр уыд Гуырдзыстоны премьер-министр Ираклий Гъарибашвилийы æмæ Хуссар Кавказ æмæ Централон Азийы НАТО-йы генералон нымæрдары специалон минæвар Хавьер Коломинайы фембæлды сæйраг æркæсинаг фарстатæ.
Премьер-министры пресс-куысты информацийæ, бахахх ис Гуырдзыстоны нысаниуæгджын размæцыд альянсы уæнгдзинады фæндагыл æмæ хъусдард здæхт уыдис уыцы реформæтæм, кæцыты бæстæ æнтыстджынæй æххæст кæны.
Банысан ис НАТО-йы нысаниуæгджын роль иуæмйаг евроатлантикон æдасдзинады æмæ стабилондзинад сфидар кæныны хъуыддаджы. Афтæма хъусдард здæхт уыдис Мадриды саммитмæ. Фембæлдыл ныхас уыд оккупацигонд Гуырдзыстоны территоритыл уæвæг быцæусидтытыл æмæ уæззау гуманитарон уавæрыл.
Хавьер Коломина Гуырдзыстоны территорион æнæхъæндзинад æмæ суверенитетмæ альянсы фидар фарсхæцын сбæлвырд кодта. Хъусдард раздæхта Украинайы айтынггонд фæзындты фæстиуæгæн регионы сырæзт æдадсзинады уавæрмæ. Премьер-министр ноджы иу хатт банысан кодта, цæмæй Гуырдзыстон солидарондзинад æвдисы Украинайæн, æххуыс кæны гуманитаронæй æмæ йæ фарс хæцы политиконæй, афтæма дипломатонæй, уый нымæцы æхсæнадæмон форматты.
Премьер бахахх кодта æхсæнадæмон æмгарады иттæг нысаниуæгджын роль æмæ архайадон къахдзæфты æнæмæнгхъæуындзинад хæст куыд гæнæн ис, афтæ тагъд кæрон скæнынæн. Фембæлдыл хъусдард афтæдæр раздæхтой Сау денджызы æдасдзинады нысаниуæгмæ æмæ банысан ис НАТО-Гуырдзыстоны æмгуыстады роль ацы æрдгæй.