Гуырдзыстоны премьер-министр Ираклий Гъарибашвили ИНО-ы  генералон ассамблейы 76-æм  сессийыл  дзырдæй ралæудзæн.  Хицауады  сæргълæууæг  Нью-Йоркмæ  20-25 сентябры араст уыдзæн.

Премьер-министры пресс-куысты информацийæ,  21 сентябры, ИНО-ы  76-æм  сессийы  генералон  дебаттæ  официалонæй байгом уыдзæн. Мадзалы  Гуырдзыстоны премьер-министр дунейы лидертимæ  иумæ  уыдзæн.

АИШ-æм визиты рæстæджы  ИНО-ы  генералон ассамблейы  76-æм  сессийы  фæлгæтты  плангонд сты Гуырдзыстоны  премьер-министры фембæлдтæ бæрзонддæр æмвæзадыл.  ИНО-йы  трибунæйæ  премьер-министр  генералон  дебатты  хайадисджытæм раздæхдзæнис  24 сентябры.  Ираклий Гъарибашвили  дзырдæй  ралæуды рæстæджы Гуырдзыстон æмæ æхсæнадæмон  æмгарады раз    цы быцæусидтытæ ис æмæ   сæ алыг кæныны процессы  иумæйаг тыхархайды  нысаниуæгмæ раздæхдзæн  хъусдард.

Гуырдзыстоны делегацийы,  кæцыйæн  премьер-министр къухдариуæг кæны, вице-премьер, фæсарæн хъуыддæгты  министр  Давит Залкалиани, ахуырады æмæ  зонæдты министр Михеил Чхенкели æмæ хицауады  администрацийы хистæр  Илиа Дарчиашвили  сты.

ИНО-ы  генералон ассамблейы  76-æм  сессийы  генералон  дебатты сæйраг темæ у «Бæстæты фæразондзинад райрæзын кæнын  ныфсы фæрцы, цæмæй  бантыса  коронавирусæй  адæмы сæнæниз уын,  экономикæйы  æнæцудгæйæ  сæндидзын кæнын, планетæйы хъæуындзинæдтыл реагиркæнынад, адæймаджы бартæн цыт кæнын  æмæ ИНО-ы мидис  судæгас кæнын».