Ираклий Гъарибашвили – Ассоциацидзинады  бадзырд бафыссынæй  аст азы рацыд, ай у историон датæ
Ираклий Гъарибашвили – Ассоциацидзинады бадзырд бафыссынæй аст азы рацыд, ай у историон датæ

Абон у юбилеон датæ,  аст азы рацыд,  Евроцæдисимæ  ассоциацидзинады бадзырдыл  къух куы бафыстам уый фæстæ, уый фæдыл  Гуырдзыстоны  премьер-министр Ираклий Гъарибашвили  хицауады рабадтыл  райхъусын кодта.

Премьер цалдæр сæйраг   рахатинаг  фæстиуæгыл фæныхас кодта,  кæцытæ уыд бæстæйæн.

«Аст азы размæ мын  уыд  цыт,  нæ бæстæйы номæй   ъкух бафыстаин  ацы  бадзхырдыл. Уый фæстæ, мæ фæнды,  рахицæн кæнын  цалдæр сæйраг  рахатинаг  фæстиуæг, кæцыты бæстæйæн уыд. Фыццаджы дæр уый  у уæгъдибар базарад, кæцы нын ис  махæн,  бæстæйæн, евроцæдисимæ.  Уый фæстæ нын тынг æвæрццаг динамикæ ис,  базарад рæзы  Евроцæдисы æмæ   нæ  амалиуæгдæрттæ  ласынц  сæрмагонд продукци   Евроцæдисмæ,  цыфæнды  барьертæй  уæгъд.  Дыккаг,  сæйраг æнтыст,  у æнæвизæ дыууæрдæм змæлоды режим.  Нæ бæстæйы кæцыфæнды  æмбæстаг  гуырдзиаг паспортæй   ацæуы   æнæвизæйæ   Евроцæдисы  бæстæтæм, кæцы  цæй  зæгъын æй хъæуы  афтæдæр  тынг рахатинаг фæстиуæг у  æмæ   æртыккаг,   нырид  нæ европаг лидертæй   нымадмæ ист  нæ бæстæйы  Европаг перспективæ, кæнæ та  сæ   разагъд  ныфсæвæрд, ома  бæстæ  суыдзæн   Евроцæдисы уæнг паддзахад. Уый у  æртæ  сæйраг æнтыст,  аст азы дæргъы,  дæс азы  дæргъы  цы бантыстис «Гуырдзиаг Бæллиццæн» – райхъусын кодта хицауады сæргълæууæг.

Премьеры дзырдæй,  зæгъгæ ацы  сæйраг  æнтыстытæй  уæлдай, мах алы æрдæм,  зæгъæм  Еврорегуляциты æмæ  евродирективæты  сыххæсты æрдгæй,  45%-æй  сыххæст кодтам.

«DCFTA-ы   æрдгæй,  нырид сыххæст кодтам 50%.  Сыххæст ис  иттæг нысаниуæгджын реформæтæ, цахæмдæр у  адæймаджы  барты  сферæ,  пенитенцион сферæ,  ахуырад,  зонæдтæ, инновацитæ, хъæууон  хæдзарад,   транспорт,  паддзахадон куыстыты  реформæ,  энергетикæ, регионон  райрæзт.

Афтæдæр мæ фанды банысан кæнын,  цæмæй   ассоциацидзинад бафыссынæй,   уæлæмхас импульс уыдис  бæстæйæн   Евроцæдисы фæлгæт-программæты  хайад райсыны æрдгæй. Уый у  «Эрасмус+», «Горизонт 2020», «Сфæлдыстадон Европæ», «Frontex», «Евроджаст».  Уый æппæт  сты бæстæ  ацы  цыбыр рæстæгмæ  цы бафæрæзта  æмæ  райста  уыдон.  Эрасмусы  программæйы æрдгæй, Гуырдзыстон  ахсы  æхсæзæм бынат   программæйы  хайадисæг  141  бæстæйы æхсæн. Уый у  реалон интеграци  Европæимæ æмæ  рахатинаг фæстиуæг», – райхъусын кодта  премьер-министр.

Ныууадз комментари