Ираклий Гъарибашвили – æппæтон æнæнизхъахъхъæды программæ куы нæ райдыдтаиккам, уæд нæ цæрджыты бахъуыдаит 6 миллиард 300 милуаны онг лари сæрмагонд дзыппæй бафидын
2012 азы онг æппæтон æнæнизхъахъхъæды бюджет æрмæст 70 милуан лари уыдис, фæнысангонд программæ куы нæ райдыдтаиккам,уæд нæ цæрджыты, æмбæстæгты, бахъуыдаит 6 миллиард 300 милуан ларийы сæрмагонд дзыппæй бафидын, – уый фæдыл Гуырдзыстоны премьер-министр æппæтон æнæнизхъахъхъæды паддзахадон программæйы 10 азы юбилеймæ гæсгæ уагъд мадзалыл дзырдæй ралæуды рæстæджы загъта.
«Афтæма мæ фæнды цалдæр ныхасæй уын радзурон геппатит Ц-ы элиминацийы программæйы фæдыл, кæцы цытджын Бидзина Иванишвилийы инициативæйæ, йæ уынаффæйæ райдыдта. Ацы программæ дæр зæгъæн ис, уыдис революцион. Фæстиуджытæ сты цæстæйуынгæ. Фæнды мæ ноджы иу хатт бакой кæнын. Алы пациентæн, æмбæстагæн, ацы программæйæ хоскæнын сын сбаддаит 125 000 лари. Программæйы фæлгæтты æмтгæй райсгæй, 80 000-æй фылдæр пациент схос кодта æмæ программæйы аргъ, 3,5 миллиард ларийæ фылдæр сбаддис. Мах ацы программæ сыххæст кодтам америкаг компани «Гилиардимæ» иумæ, цæй тыххæй дæр мæ фæнды бузныг зæгъын компани «Гилиардæн» æмæ Америкæйы хицауадæн. Уый дæр, кæй зæгъын æй хъæуы, нысаниуæгджын æмæ æнтыстджын реформæ уыд», – загъта премьер.