«Гуырдзиаг Бæллиццы» сæрдар Ираклий Гъарибашвили уыд Мухатведиты æфсымæрты уæлмæрды, цы ран 2008 азы августы хæсты фæмардуæвæг гуырдзиаг æфсæддонты номарæн кад кодта.

«16 азы рацыд æвирхъау трагедийæ, августы хæстæй. Абон кад кæнæм нæ фæмардуæвæг хъæбатырты, æфсæддонты, пъæлицæйæгты ирд мысæнæн, æмæ тæфæрфæс кæнæм сæ бинонтæн, хиуæттæн, æппæт бæстæйæн. Зонут æй, ацы хæст æвирхъау фæстиуджытæ кæй æрхаста нæ бæстæйæн. Абон нæ бæстæйы территорийы 20 проценты оккупацигонд у, æмæ оккупацийы фæстæ, хæсты фæстæ, Уæрæсе нæ территорийыл сæвæрдта æфсæддон базæтæ, сæдæ хъæуæй фылдæр фесæфтысты. Æнæмæнг мæнгардæй, зæгъæн ис, æмæ раздæры хицауад Къодоры ком æнæ хæстæй радта, æмæ хæсты фæстиуæгæн мах фесæфтам цыппарсæдæйæ фылдæр нæ æмзæххонтæй — æфсæддонтæ, пъæлицæйæгтæ, сабыр цæрджытæ. Ацы æвирхъау трагеди ноджы иу хатт нæ зæрдыл лæууын кæны, раздæры хицауадæн йæ бон кæй нæ уыд ацы хæстæй бахизын. Уый ныхмæ, кæд зæгъынц, зæгъгæ, уый комкоммæ дзуапп лæвæрдта провокацитæн, кæд æмæ йæхæдæг ницы архайдта ацы хæст бауромыны тыххæй, æмæ уый фæстæ та уынæм, æнæфсармæй кæй дзурынц хицауадмæ æрыздæхыны тыххæй. Ам мæ фæнды иу хъуыддаг зæгъын, цæмæй стырдæр фæлварæн, кæцы хицауадæн йæ бон у йæхи адæмæн æмæ йæхи бæстæйæн æрхæссын, у хæст, уый у дæхи бынæттон территориты фесæфт. Уыцы территоритæ, кæцытæ мах нæ бацахстам, кæцытæ нын нæ фыдæлтæ ныууагътой, æмæ уыцы территоритæ дæ æдылыдзинад, гадзрахатдзинад, кæнæ уæй кæныны фæрцы æцæгæлон бæстæ æмæ оккупацион бæстæйæн куы раттай, уæд уый, кæй зæгъын æй хъæуы, у гадзрахатдзинад. Уымæн дæр хъæуы æмбæлон аргълæвæрд. Гуырдзыстоны адæм, кæй зæгъын æй хъæуы, ныридæгæн дзуапп радтой 2012 азы октябры æвзæрстыты.

Мæнмæ ис фарстатæ, æмæ уый бирæ хæтт загътон, æмæ мæ æргомæй бафæрсдзысты, Къоджоры ком куыд радта, раздæр нæ бæрны цы сæдæ хъæуæй фылдæр уыд, уыдон куыд радтой, мингай æрцæуæггæгты сæхи тыхтæй райстой зæхх æмæ дон нæ бæстæйы, æмæ ацы хæсты фæстæ уæ зæрдыл лæууы, уый дæр афтæ кæй у Ацы æвирхъау цау чи сарæзта, уыцы хицауад, кæд æмæ йæхи бахизын нæ бантыст, уæд нæ бæстæйы стратегион объекттæ радтой æрмæстдæр цалдæр мæймæ, активтæ уыцы иумæ радтой оккупацион бæстæ, иувæрсыгæй байгом кодтой визæтæ, æмæ федтам, цæмæй хæсты фæстæ ницы фæивта, ома политикæ. Кæй зæгъын æй хъæуы, бузныг стæм нæ ныгуылæйнаг партнертæй, нæ хæлæрттæй, кæцытæ æнæфæцудгæйæ æххуыс кæнынц нæ бæстæйы суверенитет æмæ территорион æнæхъæндзинадæн. Афтæ дæр, уыдон нын æххуыс кæнынц политикæйы æнæнымад хайы, фæлæ мах федтам, цæмæй хæсты фæстæ Уæрæсе фылдæр базæтæ сарæзта, Ныгуылæн фылдæр хатт дарддæр кодта базарад æмæ æмгуыстад, куыд æмбæлы, афтæ. Уымæ гæсгæ махæн уый у урокы хуызæн. Уый тыххæй æппынæдзух фæзæгъæм, цæмæй гуырдзиæгтæ тынг хорз зонынц хæсты аргъ, фæлæ ма сабырады аргъ дæр зонæм. Уый тыххæй дæр тынг ахадгæ у уыцы сабырадон политикæ, кæцыйы «Гуырдзиаг Бæллиццы» 2012 азы фыццаг октябрæй æрхаста. 12 азы дæргъы нын уыд æнæрлæугæ сабырдзинады период Гуырдзыстоны æмæ нæ фесæфтам иу территори дæр, табу Хуыцауæн, хæст нын нæ уыд, æмæ нæ бон у сабырдзинад бахъахъхъæнын ацы иууыл вазыгджындæр геополитикон уавæры, иуæрдыгæй , æмæ иннæрдыгæй, нæ æмбæлон къахдзæфтæй, сабырадон политикæйæ къухдариуæг кæнæм нæ бæстæйы деоккупаци æмæ йæ æххæст интеграци нæ юрисдикцимæ», – Ираклий Гъарибашвили.