Гуырдзыстоны премьер-министр  Ираклий Гъарибашвили, Европаг Советы  президенты, Еврокомисссийы  президенты æмæ  Евроцæдисы Советы  нырыккон  сæрдар бæстæ, Словенийы  премьер-министры  иумæйаг хуындæй,  15  декабры  Хурыскæсæн  Партнерады  саммиты  райсдзæн хайад, кæцы  Брюсселы  ацæудзæн.

Хицауады сæргълæууæг  делегациимæ иумæ  Бельгийы  паддзахадмæ  абон араст ис.

Саммитыл ист  уыдзæн  политикон деклараци, кæцыйы  нысаниуæгджын  у   Гуырдзыстонæн приоритетон  фарстаты бавдисын.  Декларацийы  ноджы  иу хатт сбæлвырд уыдзæн  Евроцæдисæн  Хурыскæсæн Партнерады  стратегион  нысаниуæг, афтæма, Гуырдзыстоны æмæ  партнерты  суверенитет æмæ  территорион æнæхъæндзинадæн  фарсхæцын, æхсæнадæмонæй нымад арæнты.

Гуырдзиаг фарсы  æнхъæлц у  ахæм нысаниуæгджын фарстатæ  банысан кæнын, цахæмдæр сты  Евроцæдисы  иууон  базармæ этапгай интеграци, афтæма  хурыскæсæн партнерады  ног бонвæтк сфидар кæнын, кæцыйы  бакуысты  Евроцæдисы æмæ  æндæр партнер  бæстæтимæ  иумæ, Гуырдзыстон активон   баст уыдис.  Фæстиуæгæн,  фæбæрæги амбицион  бонвæтк, кæцы  партнер  бæстæты æдасдзинады,  экономикæйы, институтты, дзыллæты, æрдзхъахъхъæды æмæ   цифрон  трансформацийы  механизмтæ  стынг кæнынæн  уыдзæн ахъаз.  Ног бонвæтк æххæссы  конкретон  нысæнттæм баххæссынмæ, кæцы Евроцæдис  ног  регионон  инвестицион планы  фæрцы  сыххæст уыдзæн.  Гуырдзыстонæн уырдгæй  рафтгæ пайда  уыдзæн,  транспортон,  энерго æмæ цифрон  бастдзинад  стынг кæнын, уый нымæцы, Сау Денджызы  потенциалæй максималонæй  спайда кæныны фæндагæй.

Брюсселмæ визиты  рæстæджы, Гуырдзыстоны  хицауады  сæргълæууæг  афтæдæр   ауадздзæн   бæрзонд рангы   дыууæфарсон  фембæлдтæ.  Ираклий Гъарибашвили  фембæлдзæн НАТО-ы  генералон нымæрадар  Йенс Столтенбергимæ.